Qoǵam • 31 Jeltoqsan, 2024

Eńbek ınspeksııalary EHÁQM-niń qaramaǵyna berildi

80 ret

kórsetildi

1 mın

oqý úshin

2024 jyly jergilikti atqarýshy organdardyń eńbek ınspeksııalary Mınıstrliktiń qaramaǵyna berildi, bul eńbek zańnamasynyń saqtalýyn tıimdi baqylaýǵa múmkindik berdi. Osy reforma aıasynda aýmaqtyq bólimshelermen birge Memlekettik eńbek ınspeksııasy komıteti quryldy, dep habarlaıdy Egemen.kz Úkimettiń baspasóz qyzmetine silteme jasap.

Qyrmyzy JUMAǴALIQYZY

Eńbek ınspeksııalary EHÁQM-niń qaramaǵyna berildi

Foto: Ashyq derekkóz

Nátıjesinde jalaqyny keshiktirý máselelerin qosa alǵanda, eńbek quqyqtarynyń saqtalýyn tekserý kúsheıtildi. Máselen, 2024 jyldyń 11 aıynda 277 kásiporynda 4,4 mlrd teńge somasyna jalaqy boıynsha bereshek anyqtaldy jáne 17,5 myń qyzmetker óz eńbekaqysyn aldy.

«Sonymen qatar tekserý barysynda 7 583 buzýshylyq anyqtaldy, onyń 5 723-i eńbek salasyna, 1 793 – eńbek qaýipsizdigi men eńbekti qorǵaýǵa, al 67-si halyqty jumyspen qamtýǵa qatysty. Jumys berýshilerge 2 998 uıǵarym berilip, 371 mln teńge somasyna 3 359 ákimshilik aıyppul salyndy. Bul sharalar 33 myńnan astam qyzmetkerdiń eńbek quqyǵyn qorǵaýǵa múmkindik berdi», delingen habarlamada.

Eńbek jaǵdaılaryn jaqsartýda kásiporyndardaǵy eńbek jaǵdaılary men kásiptik táýekelderdi naqty ýaqyt rejıminde baqylaýǵa múmkindik beretin kásiporyndardyń sıfrlyq kartasyn engizýdi atap ótken jón. Osynyń arqasynda 2024 jyly jaraqat alý deńgeıi 2023 jylmen salystyrǵanda 3,7%-ǵa tómendegen.

Sonymen qatar taksı júrgizýshilerine áleýmettik kepildikter engizilip, olardyń áleýmettik qorǵalýyn edáýir arttyrdy.