«Gazet-jýrnal oqý – jas kezimnen qalyptasqan daǵdy. «Ana tili» gazetin de turaqty oqyp turamyn. Men málimetti televıdenıe, ınternet, áleýmettik jeli sııaqty san alýan aqparat kózderinen alamyn. Budan bólek, kún saıyn túrli mekemeden materıaldar kelip túsedi. Men aqparat keńistigindegi úrdisterdi jiti qadaǵalap otyramyn. Jazbasha mátinderdiń mán-mańyzyn tómendetýge bolmaıdy. Merzimdi baspasóz báribir memlekettik saıasattan habar beretin mańyzdy aqparat kózi bolyp qala beredi. Meniń bolmys-bitimim taldaý jasaýǵa beıim. Sóıleıtin sózderimniń, málimdemelerimniń, tipti joldaıtyn hattarym men jedelhattarymnyń mátinin de ózim muqııat qaraımyn. Men redaksııalaǵannan keıin mátinder múlde basqasha bolyp shyǵatynyna apparat qyzmetkerleri ábden úırengen», dedi el Prezıdenti.
Árıne, jýrnalıstermen áńgimelesýge ózderi bastamashy bolyp, telearna tilshilerine qulshyna suhbat beretin jáne ózderin jańalyqtardan kórgenine máz bolyp otyratyn basshylar da bar. Árkimdiki ózine jón shyǵar.
«Osy suhbatty sizderdiń basylymdaryńyzǵa berý arqyly elimizdegi jýrnalıstıkanyń tiregi sanalatyn qazaq tilindegi medıaǵa qoldaý kórsetkim keldi. Bıylǵy 22 naýryzda «Ana tili» gazetiniń jaryqqa shyqqanyna 35 jyl tolady. Alda kele jatqan mereıli belesterińiz qutty bolsyn! Osy ýaqytta gazet jemisti joldan ótti, óz ereksheligi, turaqty oqyrmany bar beldi ári bedeldi basylymǵa aınaldy», dedi Memleket basshysy.
Búgin biz eń ózekti degen birtalaı máseleni ashyq talqyladyq dep oılaımyn. Jaqsy suhbat boldy. Ádette osyndaı aýqymdy suhbatta memlekettiń qyzmetine qatysty muqııat oılastyrylǵan ári mańyzdy máseleler aıtylady. О́tken jylǵa qorytyndy jasalyp, osy jyldyń baǵyt-baǵdary aıqyndalady.
Shyn máninde, bul suhbatty elge tereń oı salý jáne bıylǵy jumysymyzǵa tyń serpin berý úshin otandastaryma joldaǵan arnaıy úndeýim deýge bolady», dedi Q. Toqaev.
