Jalpy, 2025 jyly respýblıkalyq bıýdjettiń áleýmettik-eńbek salasyna 6 trıllıon 108 mıllıard teńgeden astam qarjy kózdelgen, bul 2024 jylǵy shyǵystardan 14 paıyzǵa nemese 748,7 mıllıard teńgege artyq.
«Josparlanǵan shyǵystardyń 97,9 paıyzy nemese 5 trıllıon 982 mıllıardy el azamattaryna tólenetin áleýmettik tólemderge baǵyttalady. Onyń ishinde 2,5 mln zeınetkerdi zeınetaqymen qamsyzdandyrýǵa 4 trln 262 mlrd teńge, al 2,3 mln adamdy barlyq járdemaqylarmen qamtýǵa 1 trln 720 mlrd teńge kózdelgen», dep atap ótti mınıstrlik.
Qalǵan qarajat jumyspen qamtýǵa járdemdesý sharalaryn júzege asyrýǵa, múgedekterdi tehnıkalyq quraldarmen jáne ońaltý qyzmetterimen qamtamasyz etýge, memlekettik qyzmetkerlerdiń jalaqysyn arttyrýǵa jáne t.b. jumsalady
Aıta keteıik, búginde respýblıkalyq bıýdjetten áleýmettik tólemderdiń 41 túri, onyń ishinde bazalyq jáne ilesken zeınetaqy tólemderi tólenedi. 2024 jyly 4,5 mln adamǵa járdemaqy men zeınetaqy tóleýge 5 trln 261 mlrd teńge bólindi, onyń ishinde 2,4 mln zeınetkerler jáne 2,1 mln memlekettik járdemaqy alýshylar.
