Sýretter: anewz.tv
Ázerbaıjan úkimetindegi derekkóz málimdegendeı, tergeý amaldarynyń aldyn ala qorytyndysy boıynsha ushaqty reseılik «Pansır-S» áýe shabýylyna qarsy qorǵanys kesheninen ushyrylǵan zymyran qulatqan. Bul týraly AnewZ telearnasy habar taratyp otyr.
Buǵan deıin Ázerbaıjannyń Sıfrlyq damý jáne kólik mınıstri Rashad Nabıev zymyran atylǵanyn málimdep, tergeýmen aınalysyp jatqan mamandar osyǵan qatysty zertteý júrgizip jatqanyn alǵa tartqan.
«Ázerbaıjan Prezıdenti Ilham Álıev ushaqty Reseıdiń áýe shabýylyna qarsy qorǵanysy Reseı aýmaǵynda baıqaýsyzda atqanyn málimdedi. Ázerbaıjan basshysy kináli tarap aıybyn tolyq moıyndap, kinálilerdi jazalaýdy, qurbandardyń ózine jáne otbasyna ótemaqy tóleýdi talap etti», delingen materıalda.
