2024 jyldyń 20 jeltoqsanynan 2025 jyldyń 3 qańtaryna deıin shamamen 5,1 mln tekshe metr sý jiberildi. Mınıstrlik 2025 jyldyń 1 sáýirine deıin qoımadaǵy sý kólemin 300 mln tekshe metr nemese 73%-ǵa deıin azaıtýdy josparlap otyr.
Aqtóbe sý qoımasynda shamamen 51 mln tekshe metr sý bar. 1 sáýirge deıin sý kólemi 47,3 mln tekshe metr deńgeıine deıin azaıtylýǵa tıis. Al Batys Qazaqstan oblysy Bitik qoımasyndaǵy sý kólemi 34,4 mln tekshe metrge deıin tómendetildi. Búginde sý qoımasynan sekýndyna 8,3 tekshe metr sý jiberilip jatyr.
Shyǵys Qazaqstan oblysyndaǵy Buqtyrma sý qoımasy 79%-ǵa toly. Mınıstrlik 1 sáýirge deıin qoımadaǵy sý kólemin taǵy 8%-ǵa azaıtýǵa nıetti. Qaraǵandy oblysyndaǵy Yntymaq sý qoımasynda 69 mln tekshe metr sý bar. Kóktemde tasqyn sý qabyldaý úshin sý qoımasyn 39%-ǵa deıin bosatý qajet.
Ulytaý oblysyndaǵy Keńgir sý qoımasyndaǵy sý kólemi 86%-ǵa tómendetildi. Kóktemge deıin taǵy 11%-ǵa jýyq sý jiberý josparlanǵan. Qostanaı oblysyndaǵy Joǵarǵy Tobyl sý qoımasynda 585,4 mln tekshe metr sý bar. Sý qoımasynyń jumys rejimine sáıkes, 1 sáýirge deıin sý kólemin 499,37 mln tekshe metr nemese 61%-ǵa deıin azaıtý kútiledi.
«Kóktemde tasqyn sýdy rezervýarlarda jınap qana qoımaı, kólder júıesine, tabıǵı jaıylymdar men shabyndyqtarǵa baǵyttaý óte mańyzdy. Sol sebepti sýdy tıimdi bólý jumysyn aldyn ala josparlaý qajet. Bıyl sharýalar men basqa da sý paıdalanýshylardyń suranysy tolyq qanaǵattandyryldy. О́tken sýarý kezeńinde elimizdiń sharýa qojalyqtaryna shamamen 11 mlrd tekshe metr sý berildi. Budan bólek, úlken jáne shaǵyn sý aıdyndaryn saqtaý jáne qalpyna keltirý boıynsha úlken jumys atqaryldy», dep atap ótti Sý resýrstary jáne ırrıgasııa mınıstri Nurjan Nurjigitov.
