Sýretti túsirgen – Jumabaı MUSABEK
О́tken jyly birneshe zamanaýı ǵımarat bilim, densaýlyq saqtaý, mádenıet, sport, áleýmettik qorǵaý salalarynda qoldanysqa berilgen edi. Bıyl da aýyl-aımaqtarda halyqqa qajet jańa nysandar kóptep salynady dep josparlanyp otyr. Aıtalyq, 1055 oryndyq 13 balabaqsha ashylady. Oblys ákimi baspasóz qyzmetiniń málimetine súıensek, 2024 jyly 914 oryndyq 12 balabaqsha, 150 oryndyq 5 shaǵyn ortalyq jáne qosymsha 594 oryn ashyldy. О́ńirde 2–6 jas aralyǵyndaǵy balalardy mektepke deıingi tárbıemen, oqytýmen qamtý 94,4%, al 3–6 jas aralyǵyndaǵylardy qamtý 98,8%-dy quraıdy.
Jarkent qalasynda 1200 oryndyq alǵashqy jaıly mektep ashyldy, sondaı-aq Kóksý aýdanynyń Qaratal aýylynda 120 oryndyq mektep paıdalanýǵa berildi. Budan ózge, Kóksý aýdanyna qarasty Balpyq bı aýylyndaǵy burynǵy sport mektebiniń ǵımaratyn balabaqsha retinde qaıta jańǵyrtý, tórt mektepte kúrdeli jóndeý jumystary aıaqtaldy.
О́ńirde densaýlyq saqtaý ınfraqurylymy da aıtarlyqtaı jaqsaryp keledi. Atap aıtqanda, salada 16 nysannyń qurylysy men kúrdeli jóndeý jumystary júrgizilip jatyr. Panfılov aýdany Shejin aýylyndaǵy feldsherlik-akýsherlik pýnkttiń qurylysy, Kóksý, Panfılov, Sarqan aýdandaryndaǵy úsh nysannyń kúrdeli jóndeý jumystary aıaqtaldy. Kerbulaq aýdanynyń Saryózek aýylynda 250 adam qabyldaıtyn emhana iske qosyldy. Qaratal aýdanynyń ortalyq aýrýhanasynyń «A» blogi kúrdeli jóndeýden ótkizildi.
Alakól aýdany Bıbaqan, Qońyr, Arqarly aýyldarynda, Eskeldi aýdanynyń Ekpindi, Jańalyq aýyldarynda, Kerbulaq aýdanynyń Onjas, Kóksaı, Qazansý, Tastybastaý, Qarlyǵash, Rýdnık-Arqarly aýyldarynda, Jolaman stansasynda, Sarqan aýdany Cherkassk, Abaı, Amanbókter aýyldarynda, Kóksý aýdanynyń PCh-45 eldi mekeninde, Tekeli qalasynda jalpy sany 17 blokty-modýldi medısınalyq keshen ornatyldy. «Aýyldaǵy densaýlyq saqtaýdy jańǵyrtý» ulttyq jobasy aıasynda óńirde 59 nysannyń qurylysy júrgizilip jatyr, onyń 15-i dárigerlik ambýlatorııa, 39-y feldsherlik-akýsherlik, 5-i medısınalyq pýnkt.
Sport salasy boıynsha Tekeli qalasynda deneshynyqtyrý-saýyqtyrý kesheniniń, Sarqan aýdanynyń Almaly aýylynda sport kesheniniń qurylysy aıaqtaldy. Taldyqorǵan qalasynda Ortalyq stadıon qaıta jańartyldy. Sondaı-aq Qaratal aýdanynyń Kópbirlik, Tastóbe, Eskeldi bı aýyldarynda, Kerbulaq aýdanynyń Qyzyljar aýylynda 3 blokty-modýldi keshender ornatyldy. Oǵan qosa Taldyqorǵanda elimizde balamasy joq «Jetisý» kásibı voleıbol klýbyna arnalǵan voleıbol ortalyǵy, sondaı-aq ınvestor esebinen sportshylarǵa arnap salynǵan tórt qabatty turǵyn úı paıdalanýǵa berildi.
Jalpy, halyqtyń 1 myń adamǵa shaqqandaǵy sporttyq ınfraqurylymmen qamtamasyz etilýi – 64%, deneshynyqtyrýmen, sportpen júıeli túrde aınalysatyn halyqtyń úlesi oblys halqynyń jalpy sanynyń 42%-yn quraıdy.
Oblys ortalyǵynda zeınetkerlik jastaǵy azamattarǵa sapaly qyzmet kórsetý maqsatynda Belsendi uzaq ómir súrý ortalyǵy ashyldy. Munda 40-qa tarta adam jumys isteıdi ári qarttarǵa 12 túrli qyzmet kórsetedi.
Oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Ermek Mızambaevtyń aıtýynsha, oblys ortalyǵy Taldyqorǵan qalasynyń ózinde 25 myńǵa jýyq zeınetker turady, sondyqtan oblys ákiminiń tapsyrmasymen «Eńbek resýrstary jáne belsendi uzaq ómir súrý ortalyǵy» KMM qurý týraly sheshim qabyldanǵan.
«Belsendi uzaq ómir súrý ortalyǵy jumysynyń negizgi maqsaty – mádenı, shyǵarmashylyq, sporttyq, iskerlik qabiletterin shyńdaý arqyly zeınet jasyndaǵy adamdardyń fızıkalyq, psıhıkalyq saýlyǵyn nyǵaıtý. Ortalyqqa kún saıyn 250-den astam adam keledi. Jyl ishinde ortalyqqa kelýshilerdiń qatysýymen 50-den astam túrli is-shara, sondaı-aq Aqsý, Kerbulaq, Qaratal aýdandarynyń kıeli oryndaryna, tarıhı nysandaryna ekskýrsııalar, Abaı oblysynyń Semeı qalasyna sapar uıymdastyryldy. Taldyqorǵannyń zeınetkerlik jastaǵy kez kelgen turǵyny bizdiń ortalyqqa kele alady, munda barlyq qyzmetter tegin. Tek jeke kýáligi men zeınetker kýáligin alyp kelýi kerek», deıdi «Eńbek resýrstary jáne belsendi uzaq ómir súrý ortalyǵy» KMM basshysy Áset Orazbekuly.
Mundaǵy qolaıly jaǵdaıǵa qalyń kópshilik dán rıza. Ortalyqtan qyzmet alatyn ardager Saıra Ahmetova: «Men Belsendi uzaq ómir súrý ortalyǵyna ashylǵannan beri turaqty kelemin. Fıtnespen, ıogamen, bımen aınalysamyn. Emdik massaj kýrsynan óttim. Bir jaǵynan densaýlyqqa paıdaly, ekinshiden aralasatyn ortań keńeıedi, bul biz úshin óte mańyzdy. Qalasaq, til úırenýge de jaǵdaı jasalǵan. Ortalyqtyń esigi kelýshilerge tańerteńnen keshke deıin ashyq. Ony qurýǵa, jumysyn júrgizýge qatysqan azamattardyń barlyǵyna alǵysymdy bildiremin», deıdi.
Aıta keteıik, «Invataksı» qyzmetiniń sany 18-den 32-ge deıin ósti. Bıylǵy jylǵa Taldyqorǵanda erekshe qajettiligi bar azamattarǵa arnalǵan 150 oryndy ońaltý ortalyǵynyń qurylysyn júrgizý josparlanǵan.
О́ńirde mádenıet salasy da qashanda nazarda. Aqsý aýdanyna qarasty Esebolatov, Mataı, Arasan aýyldarynda, Eskeldi aýdanynyń Qaratal aýylynda, Kóksý aýdanynyń Jarlyózek aýylynda 5 mádenıet nysany salynyp jatyr. Sonyń ishinde Eskeldi aýdanynyń Qaratal aýylyndaǵy mádenıet úıiniń qurylysy aıaqtaldy, qalǵan nysandardyń qurylysy bıyl jalǵasady.
Eskeldi aýdany Qońyr, Jalǵyzaǵash aýyldarynda, Qaratal aýdanynyń Eskeldi bı aýylynda 3 blokty-modýldi mádenıet obektisi ornatyldy. Jaqynda taǵy 5 BMK ornatylady. Aqsý aýdanynyń Kóshkental aýylynda, Kerbulaq aýdanynyń Qoǵaly, Qarashoqy aýyldarynda úsh aýyldyq mádenıet úıine kúrdeli jóndeý jumystary aıaqtaldy. Taǵy bes nysandy kúrdeli jóndeý jalǵasyp jatyr.
Jetisý oblysy
