Oǵan bul ıdeıa áriptesterimen áńgimelesip otyryp, kartınasyna kezdeısoq shaı tógip alǵan sátte kelgen. «Alǵashynda tek shaımen jumys istedim. Biraq onyń túsi jetkiliksiz bolǵandyqtan, kofeni qosa bastadym. Bulardyń úılesimi kartınalarǵa erekshe sıpat beredi», deıdi Lasharı. Osy kúni qylqalam sheberiniń shyǵarmashylyq qorjynynda Pákistannyń tarıhı ǵımarattary beınelegen 33 týyndy bar.
Tolqynǵa tosqaýyl
Indonezııada sýnamı bolatynyn aldyn ala eskertetin jańa júıe synaqtan ótip jatyr.
Qazirdiń ózinde atalǵan memlekette osyndaı 20-dan astam qurylǵy ornatylǵan. Tehnologııa qalypty ýaqyt rejiminde aqparat jınap, saraptaıdy. Tipti sekýnd saıyn jer astyndaǵy tıtimdeı bolsyn terbelisterdiń kórsetkishin eseptep otyrady. Joba jetekshisi Teýký Hafıd sýnamıdiń qasiretin bir kisideı tartqan. 2004 jyly alyp tolqyndar onyń búkil otbasyn jutyp qoıdy. Osydan keıin ol sýnamıdi zertteýge búkil ǵumyryn arnaýǵa bel býǵan. «Naqty qater tóngen jaǵdaıda turǵyndarǵa sms-hat, radıo nemese dabyl arqyly belgi beriledi. Bul úlken adam shyǵynynyń aldyn alýǵa aıtarlyqtaı kómektesedi», deıdi ol.
Oıdy oqıtyn chıp
Qytaı ǵalymdary adamnyń oıyn oqyp, sózge aınaldyrýǵa qabiletti chıp jasap shyǵardy.
Atalǵan qurylǵy sóıleý qabiletin joǵaltqan naýqastyń mıyna ornatyldy. 256 arnaly chıptiń kómegimen pasıenttiń mıynan alynǵan derekterdi dekodtaý arqyly adam túısigindegi oılardy ekrannan oqýǵa bolady. Otadan keıin 48 saǵat ótken soń naýqas ústel tennısi men onlaın oıyndardy eshbir fızıkalyq qozǵalyssyz sátti oınaǵan.
