Ekijaqty paıdaly memorandým

Eń bastysy, Memorandým aıasynda oblys turǵyndaryn dıagnostıkalaý, emdeý, ońaltý baǵytynda, jańa tehnologııalar men ozyq emdeý ádisterin meńgerýde eki tarap ózara tájirıbe almasa alady. Bul jer­gilikti medısına mamandary úshin úlken múmkindik. Densaýlyq salasy jyl sa­ıyn damý ústinde, sondyqtan jetisýlyq dárigerler úlken qala­larda biliktiligin art­tyr­­ǵany abzal. О́zara ynty­maq­tastyq ornatýdyń halyq­tyń densaýlyǵyn nyǵaıtyp, medı­sınalyq qyzmet kórsetý sapasyn jaqsartýǵa yqpal etetini kúmánsiz.

Kezdesý barysynda Prezı­denttiń Is basqarmasy Medı­sınalyq ortalyǵynyń jetek­shisi Alekseı Soı basta­ǵan ortalyqtyń bilikti ujymyna óńirlermen yntymaqtastyq ornatýǵa yqylas tanytyp, bas­tama jasaǵandary úshin shynaıy rızashylyǵyn bildirgen Beıbit Isabaev oblysta den­saý­lyq saqtaý salasyna jasalyp otyrǵan qoldaý sharalary jaıly qysqasha aıtyp ótti.

«Densaýlyq saqtaý salasy nysandaryn sońǵy jyldary 53%-ǵa jańarttyq. Aldaǵy ýa­qyt­ta jeke ınvestor esebi­nen Taldyqorǵanda zamanaýı onkologııalyq ortalyq saly­nady. О́ńirde qabyldanǵan qol­daý sharalarynyń nátı­je­sinde ótken jyly oblysqa 152 medısına mamany kel­di. Eki jyl ishinde medısına mekemelerine 63 jedel járdem mashınalaryn alyp berdik. О́z tarapymyzdan densaýlyq saqtaý salasyna jańa nysandar salý, materıaldyq-teh­nı­kalyq bazasyn nyǵaıtý, mamandarǵa qoldaý kórsetý ju­mystaryn júıeli túrde jalǵastyramyz. Memleket basshysy aıtqandaı, halyq­tyń densaýlyǵy – eldiń eń basty baılyǵy. Sondyqtan sizder men bizdiń maqsatymyz ortaq», dedi B.Isabaev.

Jalpy, oblystyń densaý­lyq saqtaý salasyna turaq­ty negizde memlekettik qoldaý kórsetiledi. «Aýyldaǵy densaý­lyq saqtaýdy jańǵyrtý» ult­tyq jobasy aıasynda oblys­ta 59 nysannyń qurylysy qarqyndy júrgizilip jatyr. Búginde aýyldyq jerlerde sapaly medısınalyq qyz­met­­terdiń qoljetimdiligin qam­ta­masyz etý úshin jergilikti bıýdjet qarajaty esebinen sońǵy 3 jylda 61 bloktik-modýl­dik medısınalyq nysan salynǵan, 2022 jyly – 12, 2023 jyly – 22, 2024 jyly 27 nysan turǵyzyldy.

О́z kezeginde Alekseı Soı óńirde Prezıdenttiń Is bas­qarmasynyń Medısı­nalyq ortalyǵy kúnderin uıym­das­tyrýǵa járdemdeskeni úshin oblys ákimine alǵysyn jet­kizdi.

«Memleket basshysy óńir­­lik densaýlyq saqtaý­dy damytýǵa erekshe kóńil bólý týraly tapsyrma berdi. Pre­zıdenttiń Is basqar­masy Medısınalyq ortaly­ǵy­nyń kúnderi eldiń barlyq óńir­lerinde ótkiziledi. Toqsan jyldan astam ýaqyt ishinde Prezıdenttiń Is basqar­ma­synyń Medısınalyq orta­ly­ǵy densaýlyq saqtaý jú­ıe­sinde kóshbasshy bolyp keledi. Sońǵy 3 jyldyń ózin­de ortalyqtyń medısına qyz­metkerleri 150-den astam jańa tehnologııany synaqtan ótkizdi. О́ńirlerdegi áriptesterimizge medısınalyq praktıkalyq kómek kórsetýdi josparlap otyrmyz. Buǵan búgin qol qoıylǵan yntymaqtastyq týraly memorandým yqpal etedi, bul mámile osyndaı aksııalardy turaqty ótkizýge múmkindik beredi. Negizgi maqsatymyz – aımaqtarǵa jańa tehnologııalardy keńinen engizý. Máselen, Jetisý óńiriniń turǵyndary oblystan syrtqa shyqpaı-aq, kúrdeli medısınalyq kómekti jergilikti jerde de ala alady. Bizdiń birlesken jumysymyz medısınalyq qyzmetterdiń sapasyn kezeń-kezeńimen jaqsarta túsýge múmkindik be­redi», dedi A.Soı.

Sóıtip, Jetisý oblysy men Qazaqstan Respýblıkasy Prezıdentiniń Is basqarmasy medısınalyq ortalyǵynyń ózara yntymaqtastyǵy týraly Memorandýmǵa saltanatty jaǵdaıda qol qoıyldy. Sondaı-aq Prezıdenttiń Is basqarmasy Medısınalyq ortalyǵynyń kúni aıasynda mamandar Taldyqorǵannyń birqatar medısınalyq meke­mesinde pasıentterdi qabyl­da­dy. Mamandar qata­rynda endokrınolog, travmatolog, genetık, arıtmolog, gastroenterolog, pýlmonolog, angıohırýrg, gerontolog, nevropatolog, allergolog, epıleptolog dárigerler bar. Aksııanyń aıasynda 31 operasııa jasaldy, onyń 7-i – biregeı operasııa. Júkti áıelderdi, balalar men qarttardy qosa alǵanda, 207 pasıentke konsýltasııalyq-dıagnostıkalyq kómek kór­se­tildi. 193 maman qatysqan 11 dáris pen tanystyrylym ótkizildi.

О́ńir ákimi baspasóz qyz­metiniń málimetinshe, Jetisý oblysy «QR PIB Medı­sı­na­lyq ortalyǵynyń kún­deri» aksııasy ótip otyr­ǵan on tórtinshi aımaq. Aksııanyń negizgi maqsaty – QR PIB Medı­sınalyq ortalyǵy júıe­siniń ozyq tájirıbesin óńirlerdiń densaýlyq saqtaý salasyna taratý. Bul óz kezeginde halyq turatyn eldi mekenderde joǵary tehnologııalyq qyzmetter men emdeýdiń ozyq ádisteriniń qoljetimdiligin keńeıtýge yqpal etedi.

Jetisý oblysy