Foto: Ashyq derekkóz
8 qańtardaǵy reıtıng boıynsha álemdegi eń baı adam – amerıkalyq mıllıarder Ilon Mask atandy. Onyń baılyǵy 426 mıllıard dollarǵa baǵalanady. Ekinshi orynda 241 mıllıard dollar baılyǵymen Amazon ıesi Djeff Bezos tur. Úshinshi orynǵa Facebook pen Meta-nyń negizin qalaýshy Mark Sýkerberg jaıǵasty, onyń aktıvteri 218 mıllıard dollarǵa baǵalandy.
Sonymen qatar álemdegi eń baı on adamnyń qataryna amerıkalyq IT-kásipker Larrı Ellıson, fransýz mıllıarderi Bernard Arno, Google-diń negizin qalaýshylardyń biri Larrı Peıdj seriktesi Sergeı Brınmen birge, Microsoft-tyń burynǵy iri aksıoneri Bıll Geıts, Microsoft-tyń burynǵy dırektory Stıv Balmer jáne ınvestor Ýorren Baffet kiredi.
Aıta keteıik, álemdegi eń baı adamdardyń tizimine Qazaqstan kásipkeri de endi. Vladımır Kım 415-orynǵa turaqtaǵan.
Bloomberg agenttigi Vladımır Kımniń baılyǵyn 7,11 mıllıard dollarǵa baǵalaǵan. Jyl basynan beri ol 53,8 mıllıon dollarǵa, al sońǵy 24 saǵatta 15,9 mıllıon dollarǵa ósti. Amerıkalyq basylymnyń sholýynda Kımniń Qazaqstan men Qyrǵyzstandaǵy mys óndirýmen aınalysatyn KAZ Minerals kompanııasynyń dırektory jáne burynǵy tóraǵasy ekeni kórsetilgen.
