Foto: Májilistiń baspasóz qyzmeti
Depýtat «Nursát-2» shaǵynaýdanynda ornalasqan №9 Shymkent qalalyq órt sóndirý jáne avarııalyq qutqarý memlekettik mekemesine bardy. Onda 107 jeke quram bar. Olar 4 aýysymmen qyzmet atqarady. О́rt sóndirý deposy tolyq materıaldyq-tehnıkalyq qurylǵylarmen qamtylǵan. Sondaı-aq Ajar Saǵyndyqova №3 jáne №5 órt sóndirý beketterinde bolyp, órt sóndirýshilermen tildesti.
«О́rt sóndirý bólimderiniń jumysy jolǵa qoıylǵan, qajetti tehnıka men jabdyqtary bar. Degenmen órt sóndirý qyzmeti tıimdi jumys isteýi úshin qosymsha beketter qurý qajet. Osyǵan baılanysty Tótenshe jaǵdaılar departamentiniń basshylyǵy ákimdikpen birlesip jańa mobıldi beketter ashý múmkindigin qarastyryp jatyr. Onda qalanyń ortalyqtan alys eldi mekenderinde órt sóndirý komandalary ǵana emes, medısınalyq jedel járdem stansııasy men polısııa qyzmetkerleriniń mobıldi toptary ornalasatyn bolady», dedi Ajar Saǵandyqova.
Sonymen qatar depýtat memlekettiń negizgi basymdyqtarynyń biri azamattardyń qaýipsizdigi men tynyshtyǵy ekenin aıtty. Qaýiptiń aldyn alyp, kúni-túni aıanbaı eńbek etetin tótenshe jaǵdaı qyzmetkerlerine rızashylyǵyn bildirdi.
