Sondaı-aq «Ulttyq kınony qoldaý memlekettik ortalyǵynyń» qoldaýymen qysqametrli «Úmit árdaıym janymyzda» jáne tolyqmetrli «Altyn Adam» anımasııalyq fılmderi jaryqqa shyǵady.
2024 jyly qazaq anımasııasynyń klassıkalyq týyndylary «Aqsaq qulan», «Aqyl men baılyq», «Qarlyǵashtyń quıryǵy nege aıyr?» zamanaýı formatta jańartyldy.
Sonymen qatar Gollıvýd stýdııalary qazaq tilinde dýblıajdalǵan «Oıjumbaq 2», «Moana 2», «Mýfasa: Arystan patsha» jáne «Jabaıy robot» fılmderin keń prokatqa shyǵardy.
«Kınopoısk» platformasy «Garfıld» anımasııalyq fılmin, al «Bee TV» «Da Vınchıdiń tańǵajaıyp oqıǵalaryn» qazaq tiline aýdaryp, onlaın kórsetilimge usyndy.
Bıyl «Qazaqanımasııa» aıasynda 10 jańa anımasııalyq joba men «Jibek», «Komanda A. Mıssııa Aıka» fılmderiniń túsirilimi aıaqtalady dep josparlanyp otyr. Sondaı-aq qazaq kınosynyń altyn qoryndaǵy «Aq bota» fılmi restavrasııadan ótip, jańartylmaq.
Memlekettik qoldaýǵa ıe bolatyn jańa anımasııalyq fılmder ulttyq qundylyqtar, ata-anaǵa qurmet, qazaq ertegileri, dostyq jáne sport taqyryptaryna arnalady.
Qazaq anımasııasyn damytý maqsatynda bıyldan bastap arnaıy strategııa ázirlenip, ony jetildirý jumystary jalǵasyn tabady.
