Dúısenbi kúni keshkilik saǵat 20.00-de jedel basqarý ortalyǵyna úsh adamnyń óz úıinde kepilge alynǵany týraly habar túsken.
Polısııa qyzmetkerleri kepilge alynǵandardy bosatý týraly úsh saǵat boıy kelissóz júrgizgenimen, esh nátıje bermegen. Kepilge alynǵandardy bosatý kezinde kúdikti qolǵa túsip, 40 jastaǵy áıel bosatyldy. Shabýyl kezinde sol úıdiń jertólesinen 67 jastaǵy áıel adam men 75 jastaǵy er adam aýyr halde tabylǵan. Ol ekeýi aýrýhanaǵa jetkizý kezinde qaıtys boldy.
Qazir kúdiktiniń qylmysqa ne úshin barǵany anyqtalyp jatyr. Kepilge alynǵan 40 jastaǵy áıel qazir kópbeıindi oblystyq aýrýhanada jatyr. Onyń basynda birneshe ashyq pyshaq jaraqaty bar. Dárigerler zardap shekken áıeldiń jaǵdaıy aýyr, biraq turaqty ekenin habarlady.
