Sýret: instagram.com/agro__press/
A.Berdalın joǵary ónimdi angýs tuqymdy asyltuqymdy mal ósirýge mamandanǵan mal reprodýktoryn aralap, janýarlardy ósirý úderisimen, azyqtandyrý rasıonymen jáne mal ustaý sharttarymen tanysty.
Reprodýktorda 1 200 iri qara mal bar. 15 myń basqa arnalǵan tolyq sıfrlandyrylǵan bordaqylaý alańy jumys isteıdi, onda 11 myń iri qara mal ustalady. Vıse-mınıstr kompanııa basshylyǵymen veterınarlyq qaýipsizdik, daıyn ónimniń ózindik qunyn tómendetý jáne janýarlardyń densaýlyǵyn jaqsartý máselelerin talqylady.
2020 jyldan bastap «KazBeef» JShS-ǵa «Feedlot Health Management Service» (FHMS) kompanııasy maldy azyqtandyrý jáne olardyń jaǵdaıyn baqylaý máseleleri boıynsha keńes berip keledi. Mal orta eseppen 250-300 kún bordaqylanady. Amerıkalyq dıetologter ázirlegen rasıon úsh kezeńnen turady: 6 aıǵa deıin sútpen qorektendirý, 10-12 aıǵa deıin jaıylymda jaıý, 550 kg salmaqqa jetkenshe teńgerimdi astyqpen bordaqylaý.
Vıse-mınıstr «KazBeef Processing» et óńdeý keshenine de bardy. Bul kásiporyn 2018 jyldan bastap salqyndatylǵan jáne muzdatylǵan ónimder, sonyń ishinde jartylaı fabrıkattar, qosymsha ónimder, tartylǵan et jáne býrgerge arnalǵan kotletter shyǵarady. Keshenniń óndiristik qýaty – táýligine 150 iri qara mal. О́nimder ishki naryqqa jetkiziledi, sondaı-aq parsy shyǵanaǵy elderine jáne Ortalyq Azııaǵa, onyń ishinde Birikken Arab Ámirligi men О́zbekstanǵa eksporttalady.
Kompanııa jetekshilerimen ótken keńeste Memleket basshysynyń aýyl sharýashylyǵy ónimderin tereń óńdeýdi damytý jáne eksport naryqtaryn keńeıtý jónindegi tapsyrmasyn oryndaý aıasynda óndiris kólemin ulǵaıtý josparlary talqylandy. Vıse-mınıstr óndiristiń barlyq kezeńinde, sonyń ishinde mal soıý men óńdeýde joǵary veterınarlyq qaýipsizdik standarttaryn saqtaý qajettigin atap ótti.
