Batys Qazaqstanda jastardyń 60 paıyzy áskerge jaramsyz

ORAL. 30 sáýir. Batys Qazaqstan oblysynda kóktemgi áskerge shaqyrtý naýqany nátıjesi boıynsha árbir ekinshi jetkinshek densaýlyǵyna baılanysty áskerı qyzmetke jaramsyz bolyp shyqty. Bul týraly egemen.kz tilshisi habarlady. Oral qalalyq qorǵanys isteri jónindegi bólimniń meńgerýshisi Marat Tuqpaevtyń aıtýynsha, sońǵy úsh jyldyń ishinde áskerge shaqyrylýshylar arasynda kóz kórý júıesiniń nasharlaýy kóptep kezdesýde. «Shamamen áskerge shaqyrylýshylardyń 60 paıyzy áskerı qyzmetke jaramsyz. Sońǵy úsh jylda dárigerlik komıssııanyń aıqyndaýynsha, jastar arasynda kóz kórý júıesiniń álsiregeni baıqalady. Mamandar onyń sebebin monıtorǵa nemese smartfon men planshet dıspleıine kóp úńilýmen túsindiredi. Ýaqyt ótken saıyn densaýlyǵyna baılanysty áskerge jaramsyzdar qatary kúrt kóbeıýde. Bul jan túrshigerlik dınamıka», – deıdi Marat Tuqpaev. Sondaı-aq, ol kóz kórý júıesimen qatar, júrek, qan aınalym aýrýlary da jastar arasynda kóp kezdesetinin aıtty. Bul jóninde ol: «Buǵan sený qıyn, alaıda, jastardyń qatarynda qan qysymy 140-tan 180-ge deıin  jetkenderi jetip artylady. Eń basty qaýip, bul keleńsizdiktiń jappaı kórinis tabýynda. Meni osy jaǵy qatty qobaljytady. Bul jaı ǵana statıstıka emes, osyndaı kórsetkish jyldan jylǵa artyp keledi. Jas jigitterimizdiń densaýlyǵy – ulttyń densaýlyǵy! Bolashaq urpaqqa elimizdi aman-een amanattaý úshin osy máselege asa mán berýimiz qajet», – deıdi Marat Baqytjanuly. Temir Qusaıyn. Derek: egemen.kz. Sýret: newskaz.ru.