AQTAÝ. 1 mamyr. Aqtaýda birlik merekesine arnalǵan sherýge 4,5 myń adam qatysty. Bul týraly egemen.kz tilshisi habarlady.
Aqtaý qalasynyń ortalyǵynda ornalasqan Prezıdent dańǵyly boıyndaǵy «Máńgilik alaýdan» bastalǵan sherý qalalyq ákimdik aldyndaǵy Astana alańyna deıin sozyldy. Baıkerler men barabanshylardyń bastaýymen jalǵasqan sherýde aldymen etnomádenı birlestikter ókilderi, odan keıin «Nur Otan» partııasy Mańǵystaý oblystyq fılıalynyń ujymy, memlekettik qyzmetkerler, sondaı-aq, qaladaǵy joǵary oqý orny men birqatar kásiporyndardyń ujymdary júrip ótti. Dostyq, birlik taqyrybyndaǵy uransózder men sharlardy, jalaýshalardy kótergen kópshilikti Mańǵystaý oblysynyń ákimi Alık Aıdarbaev quttyqtady.
Mańǵystaý oblysy boıynsha barlyq aýdan, qalalarda sporttyq, mádenı sharalarǵa ulasqan merekede jergilikti ónerpazdar turǵyndar men qonaqtarǵa arnap konsert berdi.
Gúlaıym Shyntemirqyzy.
Derek: egemen.kz.
Sýret: Serik Maıemerov.
