Ispanııada áriptesterin 7 jyl boıy ýlap kelgen aspaz 48 jylǵa sottaldy

ASTANA. 1 mamyr. Ispanııanyń Hıhon qalasyndaǵy ashanalardyń birinde aspazdyń kómekshisi bolyp jumys istegen azamatqa 48 jyl bas bostandyǵynan aıyrý jóninde úkim shyqty. Sebebi, ol áriptesterin ýlaýǵa áreket jasaǵan. Bul týraly lenta.ru habarlady. Tergeý amaldary barysynda 57 jastaǵy azamattyń 2005-2012 jyldar aralyǵynda áriptesteriniń tamaǵyna alkogoldik táýeldilikten emdeıtin dárini qosyp kelgeni anyqtaldy. Mamandar bul dári alkogolge táýeldi emes adamnyń aǵzasyna óte zııan deıdi. Naqtyraq aıtsaq, dárini tutynǵan jaǵdaıda adamnyń júrek qaǵysy ózgerip, basy aýyryp, loqsyp, ózin jaısyz sezinedi eken. Búginde óz erkimen kelip, kúdiktiniń ústinen shaǵym túsirgender sany 19 jetti. Polıseılerdiń aıtýynsha, kúdikti dárini turaqty túrde bir ǵana dárihanadan alyp turǵan. Ázirge qamaýǵa alynǵan azamat óziniń kinásin moıyndaǵan joq. Dese de, dárihana qyzmetkeri onyń 2013 jyldyń basyna deıin kúndelikti kelip dári satyp alyp turǵanyn rastaǵan. Al quqyq qorǵaýshylar kúdikti bostandyqqa shyǵýy úshin jábirlenýshilerge 43 580 evro jáne aıyppul retinde memleketke 17 091 evro tóleýi tıis dep otyr. Talǵat Raıymbek. Derek, sýret: lenta.ru.