Oblys basshysy Dinmuhammedtiń jas bolsa da, shuǵyl ári batyl áreket jasaǵanyna rızashylyǵyn bildirip, balasyna jaqsy tálim-tárbıe bergen ata-anasyna alǵysyn jetkizdi. Kezdesýde óńir basshysy oqýyn ári qaraı úsh jyldyq rezıdentýrada jalǵastyrýdy josparlaǵan Dinmuhammed Bekturǵannyń oqý aqysyn tóleýge qoldaý bildiretinin aıtty.
«Dinmuhamed medısınalyq kómekke muqtaj azamatqa der kezinde alǵashqy járdem kórsetip, ómirin saqtap qaldy. Onyń ýaqyt ozdyrmaı qabyldaǵan sheshimi, saýatty is-qımyly ózi sııaqty medısına mamandyǵynda bilim alatyn jastarǵa úlgi-ónege boldy. Bul arqyly Dinmuhamed óz mamandyǵyn jaqsy meńgergenin ǵana emes, ata-anasynan, ustazdarynan, aǵa býyn áriptesterinen taǵylymdy tárbıe alǵanyn kórsetti. Biz osyndaı azamattarǵa árdaıym qoldaý kórsetip, erlik isin óskeleń urpaqqa úlgi etip nasıhattaýymyz qajet. О́z mamandyǵyn jetik bilýge talpynǵan, úzdik oqıtyn, patrıot azamatty tárbıelep ósirgen sizderge jáne ustazdarǵa barsha Syr jurtshylyǵynyń, ózimniń atymnan zor rızashylyǵymdy bildiremin», dedi N.Nálibaev.
