Sýret: primeminister.kz
Ulttyq joba ınfraqurylymnyń tozý deńgeıin tómendetýge jáne kommýnaldyq qyzmetterdi úzdiksiz usynýdy qamatamasyz etýge baǵyttalǵan. Qazirgi tańda jylý, elektr energııasy, sýmen jabdyqtaý jáne sý burý salalarynda qyzmet kórsetetin 87 monopolıst kásiporyndaǵy energetıkalyq jáne kommýnaldyq ınfraqurylymnyń tozý deńgeıi 65%-dan 100%-ǵa deıin jetken. Osyǵan baılanysty jobalyq keńsege ınjenerlik jeliler tozýyn 40%-ǵa deıin tómendetý jáne elektr energııasyn óndirýdiń jańa kózderin (qosymsha 7,3 GVt) salý mindeti qoıyldy.
2029 jylǵa deıin kommýnaldyq jelilerdi jańǵyrtýǵa ınvestısııalyq qajettilik 6,8 trln teńgeni, elektr energııasyn óndirýge 6,2 trln teńgeni quraıdy. Ekinshi deńgeıli bankterden, ulttyq qarjylyq damý ınstıtýttarynan jáne halyqaralyq qarjy uıymdarynan qarajat tartylady. Tabıǵı monopolııa sýbektilerin qarjylandyrý tetigin qurý, jeńildetilgen qarjylandyrýǵa nemese sýbsıdııalaýǵa ótinimderdi qarastyrý «Báıterek» UBH» AQ-ǵa júktelgen. Jobalardyń júzege asyrylý barysy jáne qurylys-montajdaý jumystaryna baqylaý júrgizý «TKSh Qazortalyq» AQ-nyń quzyretine bekitilgen.
Ulttyq jobada otandyq ónerkásiptiń damýyna erekshe nazar aýdarylyp, jumys istep turǵan kásiporyndardy 100% júkteýmen qatar, 27 jańa óndiris oryndaryn ashý jáne jumys oryndaryn qurý josparlanǵan. О́nerkásip jáne qurylys mınıstrligine otandyq taýar óndirýshiler óndiretin taýarlar, jumystar jáne qyzmetter tizimin ázirleý, josyqsyz qatysýshylar tizimin engize otyryp, satyp alýdyń biryńǵaı elektrondyq nysanyn engizý tapsyryldy.
Otyrysta halyqtyń áleýmettik turǵydan osal sanattary úshin qoldaý sharalary da talqylandy. Halyqtyń tólem qabileti bar toptary kommýnaldyq qyzmetterdi ádil, naryqtyq tarıfter boıynsha tóleýi kerek. Al osal sanattaǵylar turǵyn úı avtomattandyrylǵan júıesi arqyly tarıfterdiń ósýinen qorǵalady. Salalyq mınıstrlikterge halyqtyń áleýmettik osal toptary úshin otbasynyń jıyntyq tabysynyń 5%-yna deıingi kommýnaldyq tólemderge shyǵyndardyń shekti mólsherin bekitý, sondaı-aq turǵyn úı aýdany men kommýnaldyq qyzmetterdi tutynýdyń qoldanystaǵy normalaryn birizdendirý máselesin pysyqtaý tapsyryldy.
«Energetıka jáne kommýnaldyq sharýashylyq salasyndaǵy problemalar eń ózekti máselelerdiń biri jáne olar keshendi ári jedel sheshýdi talap etedi. Ulttyq ekonomıka mınıstrligine múddeli memlekettik organdarmen jáne uıymdarmen birlese otyryp, eki apta ishinde ulttyq jobany iske asyrýdyń Jol kartasyn ázirlep, ony Úkimet Apparatyna engizýdi tapsyramyn», dedi Q.Bozymbaev.
Vıse-premer ulttyq jobany sátti júzege asyrý úshin mınıstrlikter, ákimdikter men jeke sektordyń ózara yntymaqtastyǵy, sondaı-aq azamattardyń belsendi qatysýy qajet bolatynyn basa aıtty.
«Osyǵan baılanysty Ulttyq ekonomıka, Energetıka, О́nerkásip jáne qurylys mınıstrlikterine, Mádenıet jáne aqparat mınıstrligimen, sondaı-aq múddeli memlekettik organdar jáne uıymdarmen birlese otyryp, qańtardyń úshinshi onkúndiginde jýrnalısterge arnalǵan brıfıng ótkizip, halyq, bıznes qaýymdastyq jáne tabıǵı monopolııa sýbektileri arasynda aýqymdy túsindirý jumystaryn júrgizýdi tapsyramyn», dedi Q.Bozymbaev.
