foto: gov.kz
Vedomstvo basshysy mınıstrliktiń negizgi baǵyttar boıynsha atqarǵan jumysy týraly baıandady. Búgingi tańda, Qyzylorda oblysynda jalpy uzyndyǵy 232 shaqyrymǵa jýyq 5 kanalda sýdy esepke alýdyń avtomattandyrylǵan júıesin ornata otyryp, sý jınaý stansııalaryn rekonstrýksııalaý jobasy iske asyrylyp jatyr. Oǵan qosa, uzyndyǵy 2600 shaqyrymnan asatyn 16 magıstraldyq jáne sharýashylyqaralyq arnalardy avtomattandyrý úshin jobalaý- smetalyq qujattama ázirlenedi.
Oblysta sý únemdeý tehnologııalaryn engizý boıynsha da jumys jalǵasyp jatyr. Máselen, ótken jyly Qyzylorda oblysynyń sharýalary sý únemdeý tehnologııalaryn engizýdiń nátıjesinde 200 mln tekshe metrge jýyq sý únemdedi.
«Kórshiles eldermen ekijaqty jáne úshjaqty kelissózder men qabyldanǵan sheshimderdiń nátıjesinde 2024 jyly Shardara sý qoımasyna 15 mlrd tekshe metrden astam sý keldi. Onyń 4,8 mlrd tekshe metri sýarý kezeńinde, al 10,3 mlrd tekshe metri vegetasııaaralyq kezeńde jınaldy. Qaratereń sý beketi arqyly Soltústik Aralǵa 2,6 mlrd tekshe metr sý jiberildi. Salystyrmaly túrde aıtsaq, 2022 jyly Aralǵa bar bolǵany 816 mln tekshe metr sý jiberilgen edi» , dedi Sý resýrstary jáne ırrıgasııa mınıstri Nurjan Nurjigitov.
