Foto: Aqorda
Qasym-Jomart Toqaev meımandarǵa iltıpat bildirip, yntymaqtastyqty nyǵaıtýǵa jáne Qazaqstanda aýyr atletıkany damytýǵa úles qosqany úshin federasııalardyń basshylaryna rızashylyǵyn bildirdi.
Prezıdent elimizde sporttyń osy túri erekshe mańyzǵa ıe ekenin atap ótti. Búginde 20 myńnan astam otandasymyz aýyr atletıkamen júıeli túrde aınalysady.
Sonymen qatar Memleket basshysy Qazaqstanda atalǵan sport túrin ilgeriletý úshin federasııalarmen nátıjeli ári tyǵyz qarym-qatynasty jandandyrýǵa nazar aýdardy.
О́z kezeginde Muhammed Iýsýf ál-Mana qonaqjaılyq tanytqany úshin Qasym-Jomart Toqaevqa alǵys aıtyp, Qazaqstanda aýyr atletıka mektebi qalyptasqanyn málimdedi. Sonymen qatar Astana, Almaty qalalarynda aýyr atletıkadan Ortalyq Azııa elderi úshin óńirlik hab qurýǵa qajetti jaǵdaı jasalǵanyna toqtaldy.
Al Muhammed Djalýd ál-Shammarı elimizdiń aýyr atletteri Bahreınde ótken álem chempıonatynda tabysty óner kórsetkenin atap ótip, Los-Andjeles Olımpıadasynyń lısenzııalyq týrnırin ótkizýge Qazaqstannyń múmkindigi mol ekenin jetkizdi.
Kezdesý sońynda Prezıdent aýyr atletıkany ilgeriletýge úles qosqany úshin Muhammed Djalýd ál-Shammarı men Muhammed Iýsýf ál-Manany II dárejeli «Dostyq» ordenimen marapattady.
