Foto: zakon.kz
Jábirlengen 44 adamnyń arasynda 2022 jyldyń qańtarynda polısııa basqarmasyna jetkizilgen shetel azamattary da bolǵan.
«Sottalýshylar ózderiniń laýazymdyq ókilettikterin paıdalana otyryp, zańǵa qaıshy áreketter jasady, nátıjesinde zardap shekkender azaptaldy. Sot úkimimen 6 polısııa qyzmetkeri 146-baptyń 1-bóliginde (2023 jylǵy 17 naýryzǵa deıin redaksııada) jáne QK-niń 362-babynyń 1-bóliginde kózdelgen qylmys jasaǵany úshin kináli dep tanyldy, qylmystyq quqyq buzýshylyqtardyń jıyntyǵy boıynsha QK-niń 58-babynyń 2-bóligine sáıkes árqaısysyna 3 jyl merzimge bas bostandyǵynan aıyrý jazasy taǵaıyndaldy», delingen Qarasaı aýdandyq sotynyń baspasóz qyzmeti taratqan habarlamada.
Sottalýshylardyń kinási kýágerlerdiń aıǵaqtary, saraptamalardyń qorytyndylary, sotta rastalǵan jáne zerttelgen basqa da aıǵaqtarmen tolyq dáleldengen.
Úkim zańdy kúshine engen joq.
