Italııanyń Mılan qalasynda EKSPO-2015 kórmesi ashyldy

ASTANA. 2 mamyr. Italııanyń Mılan qalasynda EKSPO-2015 dúnıejúzilik ámbebap kórmesi ashyldy. «Álemdi tamaqtandyrý. О́mir energııasy» degen uranmen ótip jatqan kórme azyq-túlik qaýipsizdigi jáne álemniń turaqty damý máselelerin qamtıdy. Bul týraly euronews.com habarlady. Kórmege álemniń 145 memleketi, halyqaralyq uıymdar jáne ondaǵan iri kompanııalar qatysýda. Ashylý saltanatynda Italııa premer-mınıstri Matteo Rensı barsha qatysýshylardy quttyqtap sóz sóıledi. «Bolashaq búginnen bastalady. Qazir biz ómir súrip otyrǵan álemde azyq-túlik qory boıynsha teńsizdikter anyq baıqalady. Bir jerlerde tamaq qaldyǵy taý bolyp úıilip jatsa, kóptegen elderde bir tilim nanǵa zar bolyp otyrǵandar bar. Sonyń saldarynan mıllıardtaǵan adamnyń ashtyqtan qyrylýy jalǵasyp jatyr. Al kelesi mıllıard adam, kerisinshe, kúndelikti astyń kóptiginen semizdik dertine shaldyǵýda. Sol sebepti, qazirden bastap mundaı qarama-qaıshylyqtardy joıýǵa kúsh jumsaýymyz kerek», – dedi Matteo Rensı. Vatıkannan arnaıy vıdeobaılanysqa shyqqan Rım Papasy Fransısk EKSPO-nyń jahandyq yntymaqtastyqty nyǵaıtýda mańyzy zor ekenin aıtty. Mılandaǵy kórmede 54 memleket 200 gektar jerge ulttyq pavılondaryn ornalastyrdy. Ol jerlerde negizinen ulttyq dástúrdi dáripteıtin saýda-sattyq pen aýyl sharýashylyǵyna arnalǵan dúnıeler nasıhattalady. Al ózge memleketter óz ónimderin belgili bir salalarǵa ǵana arnalǵan jekelegen pavılondarǵa qoıady. Aıta keteıik, bıylǵy EKSPO kórmesi osy jyldyń 31 qazanyna deıin jalǵasady. Elaman Qońyr. Derek: euronews.com. Sýret: eninadec.twomini.com.