Saıasat • 19 Qańtar, 2025

Qazaq qyzy Donald Tramptyń ınaýgýrasııasyna shaqyrtý aldy

360 ret

kórsetildi

1 mın

oqý úshin

Qazaqstandyq saıasattanýshy, CDF qoǵamdyq qorynyń negizin qalaýshy Dına Shaıhıslam AQSh-tyń jańadan saılanǵan prezıdenti Donald Tramptyń ınaýgýrasııasyna jeke shaqyrtý aldy, dep habarlaıdy Egemen.kz.

Azamat QOIShYǴARA

Qazaq qyzy Donald Tramptyń ınaýgýrasııasyna shaqyrtý aldy

Bul týraly Dına Shaıhıslam áleýmettik jelidegi paraqshasynda habarlady. Ol AQSh Kongresinen kelgen jeke shaqyrtýdyń beınejazbasyn jarııalady.

Vıdeodan shaqyrýdyń quramyna ınaýgýrasııaǵa kirý bıleti, qosymsha shaqyrtý hattary, Donald Tramp pen jańa vıse-prezıdent Djeı Dı Venstiń qoltańbasy bar fotosýretter, ınaýgýrasııa baǵdarlamasy kiretinin kórýge bolady.

«Búgin men Prezıdent Tramp pen Vıse-prezıdent Venstiń ınaýgýrasııasyna resmı shaqyrtý aldym», dep jazdy ol.

Donald Tramptyń AQSh-tyń 47-prezıdenti retinde ınaýgýrasııasy 2025 jyldyń 20 qańtarynda Vashıngtonda, jergilikti ýaqytpen saǵat 12:00-de ótedi. Sonymen qatar rásim barysynda Djeı Dı Vens vıse-prezıdent retinde ant beredi.