Atalǵan is-sharaǵa batyrdyń jaqyndary, 5514 áskerı bólimniń basshylyǵy men jeke quramy, mektep oqýshylary, qala ákimdiginiń, quqyq qorǵaýshy organdarynyń jáne Qarýly kúshter ókilderi men ardagerleri qatysty.
Alǵashqy sózdi Taldyqorǵan qalasynyń ákimi Ernat Bázil jetkizdi. Qala basshysy el tynyshtyǵy men qaýipsizdigin qamtamasyz etýdegi Ulttyq ulan áskeriniń orny jáne Aıbat Amanovtyń erligi týraly aıtyp ótti. Odan keıin sóz kezegi Ulttyq ulannyń «Ońtústik» óńirlik qolbasshysynyń tárbıe jáne áleýmettik-quqyqtyq jumystar jónindegi orynbasary polkovnık Nııaztaı Álkeshevke berildi.
«Ultyq ulan batyry Aıbat Amanovtyń erligi umytylmaıdy. Mektepte ulandyq batyrdyń esimine synyptyń berilýi oqýshylardyń batyr, patrıot bolyp ósýlerine óz septigin tıgizetinine kámil senemin», dedi N.Álkeshev.
Qatardaǵy sarbaz Aıbat Erbolulynyń anasy Gúlnaz Álkenqyzy uly týraly óz estelikterimen bólisti. Odan soń «Erlik synybynyń» lentasyn Taldyqorǵan qalasynyń ákimi Ernat Dúısenbekuly men polkovnık Nııaztaı Bolatulyn jáne Aıbat batyrymyzdyń ápkesi Inabat Erbolqyzy qıdy.
«Aıbat ekeýmiz qatar óstik. Ol áskerge baryp, keıin Astanada áskerı qyzmetti jalǵastyrýdy armandady. Endi men onyń armanyn oryndap, Astanaǵa áskerı qyzmetke ornalastym. Osyndaı is-sharaǵa qoldaý kórsetken Ulttyq ulan basshylyǵyna, qala ákimdigi men mektep dırektory Aıjan Jumadilovaǵa alǵysymdy bildiremin», dedi ápkesi Inabat Amanova.
Dilnáz Saǵatbekqyzy men Aısha Talǵatqyzy atty oqýshylar sóz sóılep, Aıbat Amanovqa arnalǵan óleńderin oqydy.
Polkovnık Nııaztaı Álkeshev arnaıy «Jas búrkit» synybynyń sımvolıkasy beınelengen shevrondar men Ulttyq ulannyń formasyn jáne «Búrkit» jýrnalyn tabystady.
«Erlik synybynyń» ashylý saltanaty aıaqtalǵan soń, shaqyrylǵan qonaqtar mekteptiń 1 qabatynda ornalasqan «Akt zalyna» tústi. Onda «Erlik synybynyń» ashylýyna atsalysqan birqatar laýazymdy tulǵa Ishki ister mınıstriniń orynbasary – Ulttyq ulan Bas qolbasshysy general-maıor Ańsaǵan Baltabekovtiń quqyǵymen marapattaldy. Ákimdik tarapynan Aıbat Amanovtyń anasy Gúlnaz Álkenqyzyna estelik syılyqtar tabystaldy.
Is-shara sońy Taldyqorǵan qalasy Sh.Ýalıhanov atyndaǵy №10 mektep gımnazııa oqýshylary ázirlegen konserttik baǵdarlamaǵa ulasty.
