Foto: gov.kz
Ekologııa jáne tabıǵı resýrstar mınıstrligiiniń baspasóz qyzmetiniń málim etýinshe jobada KATKO, fransýz memlekettik kompanııasy «Orano Mining SA» men «Qazatomónerkásip» UAK» aksıonerlik qoǵamynyń birlesken kásiporny jáne basqa da ulttyq jáne jeke kompanııalar orman otyrǵyzý jumystaryn uıymdastyrý boıynsha belsendi qatysyp otyr. Jobanyń negizgi maqsaty – jerlerdiń odan ári degradasııasynyń aldyn alý, ekologııalyq jaǵdaıdy jaqsartý.
Búgingi kúnge nátıjeler:
- 522 tonna tuqym jınaqtaldy.
- 2024 jylǵy 16-30 jeltoqsan aralyǵynda 12 000 gektarǵa egin egý jumystary júrgizildi.
- 2025 jylǵy qańtar men aqpan aılarynda 108 000 gektarǵa egin egý josparlanyp otyr.
- 2025 jylǵy naýryzda 16 492 gektarǵa sekseýil tuqymdas aǵashtar otyrǵyzý josparlanǵan.
Bul joba Aral ekologııalyq apatynan keıingi saldarmen kúresý jónindegi memlekettik strategııanyń bir bóligi. Qazaqstan ekologııalyq jaǵdaıdy jaqsartý maqsatynda ishki jáne halyqaralyq deńgeıde belsendi jumys istep jatyr.
Aksııa uıymdastyrýshylary azamattardy osy bastamany qoldap, Aral óńirin qalpyna keltirýge óz úlesterin qosýǵa shaqyrady.
