Is-sharaǵa Jańaózen qalasynyń ákimi Janseıit Qaınarbaev, «QazMunaıGaz» ulttyq kompanııasy basqarma tóraǵasynyń keńesshisi Gúlshara Ábdiqalyqova, Bilim Foundation korporatıvtik qorynyń prezıdenti Erlan Aıtmuhambet qatysty. Joba «QazMunaıGaz» ulttyq kompanııasy men Samruk-Kazyna Trust áleýmettik jobalardy damytý qorynyń qoldaýymen jáne Bilim Foundation uıymdastyrýymen júzege asyp keledi. Bilim Foundation qorynyń prezıdenti Erlan Aıtmuhambettiń aıtýynsha, qazirgi tańda baǵdarlama aıasynda myńnan asa mańǵystaýlyq jas bilim alyp jatyr.
«Jarqyn Bolashaq» baǵdarlamasy Qazaqstannyń adamı kapıtalyn damytýǵa yqpal etip, jastardyń bolashaǵyn jarqyn etýdi kózdeıdi. Baǵdarlama jastardyń adal, bilimdi, tanymy keń jáne kásibı bilikti maman bolyp qalyptasýyna yqpal etedi dep senemiz, deıdi Erlan Aıtmuhambet.
Baǵdarlamaǵa 12-22 jas aralyǵyndaǵy Jańaózen qalasy men Mańǵystaý, Túpqaraǵan, Qaraqııa, Munaıly, Beıneý aýdandarynyń jastary qatysa alady. Jastar Qazaqstannyń úzdik oqý oryndarynda tegin bilim alyp, jataqhanamen qamtylady. Sonymen qatar joǵarylatylǵan shákirtaqyǵa jáne belgilengen mólsherde jol shyǵyndaryn óteıtin aqyǵa ıe bola alady. Budan bólek grant ıegerlerine mentorlyq jáne psıhologııalyq qoldaý kórsetiledi.
«Men Soltústik Qazaqstan joǵary kásibı-pedagogıkalyq kolledjiniń ekinshi kýrsynda «jol qozǵalysyn uıymdastyrý» mamandyǵy boıynsha bilim alyp jatyrmyn. Tegin bilim men shákirtaqydan bólek, baǵdarlama ómirimdi túbegeıli ózgertýge múmkindik berdi. Bilimimdi jetildirip qana qoımaı, ózimdi sportta, ónerde jáne debatta baıqap kórdim. Aldaǵy ýaqytta bilikti maman bolyp, elime qyzmet etkim keledi», deıdi grant ıegeri Aqtaı Haldavletov.
Baǵdarlama aıasynda mańǵystaýlyq jastar Astana, Almaty, Qaraǵandy, Qostanaı, Taraz, Semeı, Kókshetaý, О́skemen jáne Petropavl qalalarynda ornalasqan elimizdiń úzdik mektepteri men kolledjerinde bilim ala alady. Qatysýshylarǵa 100-ge jýyq tehnıkalyq jáne gýmanıtarlyq mamandyqtar usynylǵan, olardyń qatarynda IT, medısına, pedagogıka, týrızm sııaqty salalar bar.
«Meniń eki balam osy baǵdarlama boıynsha grantta bilim alyp jatyr. Baǵdarlama bizge úlken qoldaý boldy. Balamnyń bilimine ǵana emes, tulǵa retinde damýyna da erekshe mán beretin osyndaı baǵdarlama bary shyn qýantady. Balalarymyzdyń talanty men eńbegin kórsetken konsert úshin de alǵysymdy bildirgim keledi», deıdi baǵdarlama qatysýshylarynyń anasy Aısulý Rahymjanqyzy.
Mádenı shara barysynda Jańaózen turǵyndary qyzyqtyrǵan suraqtaryna jaýap aldy.
