Sýretti túsirgen – Erlan OMAR, «EQ»
Memlekettik stıpendııa ádebıet pen óner salasyndaǵy 75 adamǵa berildi.
Jyl saıyn taǵaıyndalatyn bul stıpendııa – memlekettiń mádenıet jáne óner qaıratkerlerine, shyǵarmashylyq qyzmetkerlerine jáne jas daryndarǵa qoldaýy men qamqorlyǵynyń aıǵaǵy. Sondaı-aq olardyń ult mádenıetin órkendetip, álemge tanytýǵa qosqan eleýli úlesine kórsetilgen qurmet.
Memlekettik stıpendııa Asanáli Áshimov, Ilııa Jaqanov, Bıbigúl Tólegenova, Nurǵalı Núsipjan, Merýert О́tekeshova, Dýlat Isabekov, Tólen Ábdik, Iýrıı Aravın, Serjan Shákirat, Amandos Aqanaev, Tatıana Tarskaıa, Gúlver Razıeva sekildi ádebıet pen óner maıtalmandaryna tabystaldy.
Sonymen qatar Kann halyqaralyq festıvaliniń laýreaty Samal Eslámovaǵa, balerına Tatıana Tenge, opera solısi Maqsat Samatovqa jáne ózge de jas daryndarǵa memlekettik qoldaý kórsetildi.
Stıpendııa ıegerleri memlekettiń qarjylaı qoldaýy arqasynda shyǵarmashylyqpen alańsyz aınalysýǵa múmkindik alady. Bul stıpendııa elimizdegi mádenıet jáne óner salasynyń damýyna yqpal etip qana qoımaı, tyń ıdeıalar men jobalardyń iske asýyna septigin tıgizedi.
