Foto: Tótenshe jaǵdaılar mınıstrligi
Qaıtys bolǵandar joq, eshkim zardap shekpegen. Qutqarýshylar avtojoldarda qaýipsizdikti qamtamasyz ete otyryp, táýlik boıy jumys júrgizýdi jalǵastyryp jatyr.
Qaraǵandy oblysynda búgin túnde qatty boran jaǵdaıynda qutqarýshylar júkti áıeldi aýdandyq aýrýhanaǵa jetkizýge kómektesti (jedel járdem kóligi qolaısyz aýa raıynan joldy jalǵastyra almaǵan). Tótenshelikter ony Osakarovka kentine TREKOL tehnıkasymen jetkizip, dárigerlerge tapsyrǵan.
Jambyl oblysynda 21 qańtarǵa qaraǵan túni Jýaly aýdanynda temperatýrasy joǵary kóterilgen 7 jasar bala týraly habarlama kelip tústi. Qutqarýshylar jedel járdem qyzmetkerlerimen birlesip TREKOL jol talǵamaıtyn kóligimen jolǵa shyqqan, qazirgi ýaqytta balany ortalyq aýdandyq aýrýhana dárigerleri baqylaýyna alǵan.
Aqtóbe oblysyndaǵy «Samara-Shymkent» tas jolynda О́zbekstannan Reseıge bara jatqan shaǵyn avtobýs buzylyp qalyp, júrgizýshi kómek surap, qutqarýshylar 9 jolaýshyny, onyń ishinde 1 balany jylytý pýnktine evakýasııalady, olarǵa ystyq tamaq uıymdastyryldy.
Mańǵystaý oblysynyń Qaraqııa aýdanynda jaýyn-shashynnyń mol túsýine baılanysty «Qazaqstan-Túrikmenstan» tas jolynda 52 júk kóligi balshyqta turyp qalǵan. Qutqarýshylar vahtada júrgizýshilerdiń jylynýyna jaǵdaı jasap, jergilikti bıliktiń kómegimen kólikterdi joldyń tazartylǵan ýchaskelerine súırep shyǵarǵan.
Aqmola oblysynda qatty boran kezinde eldi mekenge jaıaý bara jatqan 13 adamdy elordalyq qutqarýshylar baıqap, azamattardyń qaýipsizdigi úshin olar TJM vahtasynda jaqyn mańdaǵy eldi mekenge jedel jetkizildi.
Ulytaý oblysyndaǵy «Jezqazǵan-Sátbaev» avtojolynda 1200-den astam kóliktiń keptelisi boldy. TJM qutqarýshylary polısııa jáne jergilikti atqarýshy organdardyń qyzmetkerlerimen birlesip, jaqyn mańdaǵy eldi mekenderge deıin avtokolonnany qaýipsiz alyp júrýdi uıymdastyrdy. Operasııa barysynda 24 azamatqa kómek kórsetilip, 8 kólik súırep shyǵarylǵan. Barlyq adamdar qaýipsiz jerge jetkizildi.
