Naqty derekterge qurylǵan týyndy jóninde avtordyń ózi: «Bul kitapta KSRO Bas shtaby Bas barlaý basqarmasynyń 177-arnaıy maqsattaǵy jeke jasaǵynyń qurylýy men kúndelikti ómiri týraly jazylǵan. 1980 jyldyń qańtarynda Almaty oblysy, Qapshaǵaı qalasynda qurylǵan, aty ańyzǵa aınalǵan Qara maıor – Borıs Kerimbaev basqarǵan ataqty «musylman batalony» 1981 jylǵy qazan aıynan 1989 jyldyń aqpanyna deıin Sovet armııasynyń Aýǵanstandaǵy shektelgen kontıngenti quramynda boldy. О́z is-áreketterimen jasaq óshpes jaýyngerlik dańqqa bólenip, arnaıy maqsattaǵy áskerler arasynda eń belgili bólimderdiń birine aınaldy. Jasaqtyń alǵashqy quramy 1983 jylǵy qazan aıyna deıin soǵysty, atalǵan jasaq týraly, olardyń sol kezeńdegi jaýyngerlik isteri týraly jazdym», dep tolǵanady.
Ot pen oqtyń ortasynda júrip, ony aına-qatesiz qaǵazǵa túsirip, oqyrmanǵa usyný ońaı jumys emes. Bul jerde barynsha baıyptylyq, shyǵarmashylyq sheberlik qajet. Osy rette bul taqyrypty tereń zerttep júrgen Aıgúl Ermekova bul eńbektiń Aýǵan soǵysy týraly qundy kitaptardyń biri ekenin aıtady.
«Aýǵan soǵysy jaıynda oqyǵanym da, tyńdaǵanym da jeterlik, tipti ataq-dańqy kúlli elge málim «Qara maıor» atanǵan Borıs Kerimbaevtyń ózimen de birneshe márte kezdesip, áńgimelestim. Jany jaısań, keń qulashty, tereń oıly azamat edi. Ardager týraly ańyzǵa bergisiz aýyzsha áńgimelerdi kóp estidim, solardyń ishinde óleńder de boldy. 2017 jyly «Aýǵan soǵysyndaǵy atyraýlyq jaýyngerler shejiresi» atty kitabymnyń jaryqqa shyǵýyna dem bergen Borıs Tókenuly men Amangeldi Temirjanuly edi. Atyraýdan soǵysqa qatysqan 868 jaýyngerden 546 jaýyngerdiń ómir deregi kitapqa endi. Al A.Jantasovtyń «Jartasty jastanǵan jasaq» kitabyn oqyp, qatty rıza boldym. Kitap bastan-aıaq naqty derekke negizdelgen qundy eńbek», deıdi zertteýshi.
Qoryta aıtqanda, bul kitap – úlken eńbektiń jemisi, jaýyngerlerdiń asyl rýhyna taǵzym ári eskertkish.
