Depýtat Premer-mınıstrdiń orynbasary – Ulttyq ekonomıka mınıstri Serik Jumanǵarınge joldaǵan saýalynda 2024 jylǵy 21 qarashada Memleket basshysy «Sot júıesin reformalaý jáne is júrgizý zańnamasyn jetildirý týraly» Zańǵa qol qoıyp, sonymen qatar Ákimshilik rásimdik-prosestik kodekske túzetýler engizgenin eske salyp ótti.
Ol memlekettik organdar men tabıǵı monopolııalar sýbektileri arasyndaǵy úılestirýdiń bolmaýy sottyq daýǵa ákeletinin jáne bul úshin tutynýshylar zardap shegetinin atap ótti.
Depýtat tarıftik saıasattaǵy bıýrokratııalyq kelispeýshilikter nátıjesinde myńdaǵan qazaqstandyqtar gaz úshin joǵary tarıfter boıynsha tóleýge májbúr ekenin atap ótti. Sondaı-aq, ol energetıka jáne Ulttyq ekonomıka mınıstrlikteriniń normatıvtik aktileri bir-birine qaıshy keletinin, gaz jabdyqtaryn qosý jáne paıdalaný talaptarynda «haos» týdyratynyn atap ótti.
Depýtat óz saýalynda azamattardyń múddelerin qozǵaıtyn jańa daýlardy boldyrmaý úshin zańnamany birizdendirýdi, quqyqtyq qaıshylyqtardy joıýdy jáne memlekettik organdardyń naqty ózara is-qımylyn qamtamasyz etýdi talap etti.
Aıta keteıik, kúni keshe ǵana Memleket basshysy Úkimettiń keńeıtilgen otyrysynda memlekettik apparattyń basty mindeti – azamattardyń ózekti máselelerin sheshý ekenin basa aıtqan edi.
