Olar 10-15 km bıiktikte ómir súrýge beıimdelgen jáne ýltrakúlgin sáýlelerge tózimdi. Bul tirshilik ıeleriniń aýa raıyna áser etip, bulttardyń qalyptasýynda mańyzdy ról atqaratyny anyqtaldy. Zertteý nátıjeleri klımattyq ózgeristerdi boljaý jáne atmosferany zertteýdiń jańa ádisterin jasaýǵa kómektesýi múmkin.
Jasandy júrek
Fransýz ǵalymdary tolyqtaı jasandy júrek jasap shyǵardy.
Bul qurylǵy tabıǵı júrek sııaqty qan aınalymyn úzdiksiz qamtamasyz etip, júrek jetkiliksizdigine shaldyqqan naýqastarǵa jańa múmkindik syılaıdy. Osynaý ǵylymı jetistik aýyr júrek aýrýlary bar adamdardyń ǵumyr jasyn edáýir arttyryp qana qoımaı, olardyń ómir súrý sapasyn jaqsartýǵa da kómektesedi.
Robottarǵa arnalǵan oqý ortalyǵy
Qytaıda gýmanoıd robottardy oqytýǵa arnalǵan álemdegi eń iri ortalyq ashyldy.
Bir ýaqytta 100 robotty oqyta alatyn ortalyq 2027 jylǵa qaraı bul sandy 1000-ǵa jetkizýdi josparlap otyr. Onyń negizgi maqsaty – robottardyń ıntellektýaldyq jáne fızıkalyq múmkindikterin damytyp, olardy túrli salalarda qoldanýǵa beıimdeý. Ortalyq 2025 jyldyń sońyna deıin robottardyń fızıkalyq parametrleri boıynsha 10 mıllıon joǵary sapaly derek jınaýdy josparlap otyr.
Daıyndaǵan –
Erlan KIIKBAI,
L.N.Gýmılev atyndaǵy Eýrazııa ulttyq ýnıversıtetiniń stýdenti
