Foto: Bas prokýratýra
Elimizde qarjy pıramıdasyn uıymdastyrǵan kúdikti shetelde kisi óltirgeni úshin sottalǵan.
Qazaqstanda «QI-Trade» qarjy pıramıdasyn uıymdastyrǵan kúdikti 4,7 myńnan astam salymshynyń 15 mıllıard teńgesin zańsyz ıemdengeni úshin aıyptalyp otyr. Onyń sybaılastary sot sheshimimen túrli merzimge bas bostandyǵynan aıyrylǵan.
Uıymdastyrýshylardyń biri bolǵan kúdikti uzaq ýaqyt boı tasalap júrgen. Halyqaralyq izdeýde júrgen onyń kórshi elde kisi óltirgeni úshin sottalǵany belgili boldy.
Bas prokýratýranyń habarlaýynsha, kúdikti Qazaqstannyń suraýy boıynsha ýaqytsha elge jetkizilgen. Ol qarjy pıramıdasyn quryp, basqarǵany úshin qylmystyq jaýapkershilikke tartylǵannan keıin Qyrǵyz Respýblıkasyna qaıtarylady. Kórshi memlekette jazasyn ótegen soń, kúdikti Qazaqstanda jasaǵan qylmysy úshin de sottalady.
Atalǵan qylmystar boıynsha kúdiktiniń múlki tárkilenip, ol 12 jylǵa deıin bas bostandyǵynan aıyrylýy múmkin.
