«Doýla» – ejelgi grek tilinde qyzmet kórsetýshi degen maǵynany bildiredi. Elimizde sońǵy on shaqty jyl kóleminde tez taralyp, qarqyndy damyp kele jatyrǵan qyzmet túri. Naqtyraq aıtsaq, bilikti qyz-kelinshekter tolǵaǵy jetken jas analardyń janynan tabylyp, jeńil bosandyrýdan bastap, sábıin qyrqynan sátti shyǵarýǵa deıingi barlyq jón-joralǵysyn jasaıdy.
Qazir doýla ortalyqtarynyń naryqtaǵy baǵasy 100 myń teńgeden bastalady.
Biraq dáriger Sáýle Ibraeva doýla qyzmetshisiniń dárigerlik quqyǵy joq ekendigin umytpaýǵa shaqyrady.
«Doýla júkti áıelderdiń tolǵaq kezindegi seriktesi. Qazir mundaı qyzmet túri beleń alyp keledi. Ol medısınalyq qyzmetker bolmaǵandyqtan tolǵaq nemese bosaný kezinde pasıentke qandaı da bir nusqaýlyqtar bere almaıdy. Dıagnoz qoıa almaıdy. Ol tek ana men balanyń kómekshisi. Degenmen de dáriger retinde aıtar keńesim, bosaný kezinde áıel adamnyń janynda jaqyn adamy bolǵany durys», deıdi ol.
