Akademııanyń qyzmeti bilim berý salasyndaǵy ınnovasııalyq zertteýler men ıdeıalar almasýdy ilgeriletýge baǵyttalady. Sondaı-aq Qazaqstan men jalpy Ortalyq Azııadaǵy bilim berý júıelerin jaqsartý úshin jańa múmkindikter ashady. Jıynǵa arnaıy kelgen Gonkong bilim berý ýnıversıtetiniń (EdUHK) prezıdenti, professor - Djon Lı Chı-Kındi Abaı ýnıversıtetiniń Basqarma tóraǵasy Bolat Tilep qarsy aldy.
Sharaǵa qatysqan Ǵylym jáne joǵary bilim mınıstri Saıasat Nurbekke sheteldik meımandar alǵysyn bildirdi.
«Búgin biz bilim berýdi damytýdyń jańa kezeńine jol ashyp, ınklıýzıvti bilim berý men jasandy ıntellektti otandyq bilim berý júıesine engizýge mańyzdy qadam jasap otyrmyz. Gonkong bilim berý ýnıversıtetiniń (EdUHK) qoldaýymen Qazaqstandyq bilim berý akademııasynyń qurylýynyń elimiz úshin mańyzy zor», dedi jıynda sóz alǵan ýnıversıtet rektory Bolat Anapııauly.
Otandyq bilim berý akademııasynyń ashylýy halyqaralyq bilim men tájirıbe almasýǵa, ozyq tehnologııalardy oqý úderisine engizýge múmkindik beretini sózsiz.
«Gonkong Bilim akademııasynyń Qazaqstandaǵy jetekshi ýnıversıtetterdiń aldyńǵy qataryndaǵy Abaı atyndaǵy Qazaq ulttyq pedagogıkalyq ýnıversıteti jáne Qazaq ulttyq qyzdar pedagogıkalyq ýnıversıteti janynan «EdUHK - Qazaqstan bilim berý akademııasyn» ashý bastamasy joǵary oqý oryndary arasyndaǵy akademııalyq baılanysty nyǵaıtýǵa yqpal etetin jahandyq joba», dedi professor Djon Lı Chı-Kın.
Jınalǵandar sharadan soń Gonkong bilim berý ýnıversıtetinen jáne elimizdiń ózge óńirlerindegi joǵary oqý oryndarynan kelgen qonaqtar Abaı ýnıversıteti janynan ashylǵan «Inklıýzıvti bilim berý jáne bilim berýdegi jasandy ıntellekt» ortalyǵynyń jumysymen tanysty. Bul ortalyq aldaǵy ýaqytta bilim berý prosesine jasandy ıntellekt tehnologııalaryn engizýge jáne oqytý sapasyn jaqsartýǵa yqpalyn tıgizetin bolady. Jańa bilim berý nysany pedagogıka jáne bilim berý salasynda ozyq zertteýler júrgizetin orynǵa aınalady degen jospar bar. Zamanaýı tehnologııalar men tásilderdi úıretý arqyly pedagogtardy daıarlaý baǵytynda da jumys jasaıdy.
