«WindCatcher» júıesiniń dástúrli jel týrbınalarynan birshama aıyrmashylyǵy bar. Kádimgi jel elektr stansalary iri týrbınalarǵa súıense, olardyń ornatylýy men qyzmet kórsetýi qymbatqa túsedi. «WCS» bul máseleni sheshý úshin bir úlken týrbınanyń ornyna birneshe shaǵyn generatorlardy biriktirgen. Árqaısysynyń qýaty 1 MVt bolatyn týrbınalar jeldiń qýatyn 2,5 ese tıimdi paıdalanady. Bul tásil energııa óndirisin arttyryp, qyzmet kórsetý shyǵyndaryn azaıtady. Bir týrbına isten shyqsa da, qalǵandary jumysyn jalǵastyra beredi, al jóndeý qymbat tehnıkany qajet etpeıdi. Jańa jel elektr stansasy 2029 jylǵa qaraı Bergen qalasynyń mańynda iske qosylmaq. Onyń qýaty – 40 MVt. Jylyna 99 GVt\saǵ elektr energııasyn óndiredi.
