Foto: Úkimettiń baspasóz qyzmeti
Atalǵan nysan mańynda vıse-premerge sý tasqynyna qarsy is-sharalar, aýyz sýmen qamtamasyz etý, jylýmen qamtý, ulttyq joba aıasynda jelilerdi jańartý, elektr energııasy men gazben qamtý jumystary baıandaldy.
Oblys ákimi Nuralhan Kósherov aımaqtyń ınfraqurylymyn jaqsartý baǵytynda júıeli jumys jalǵasyp jatqanyn málimdedi. Qanat Bozymbaev sý tasqynynyń aldyn alý, sý nysandaryn retteý jumystaryn kúsheıtýdi, jaýapty mekeme basshylaryna óz mindetterine muqııat bolýdy tapsyrdy.
Oblys ákiminiń baspasóz qyzmetiniń málim etýinshe óńirde «2024-2025 jylǵy qys-kóktemgi sý tasqynyna qarsy ınjenerlik is-sharalar» jospary bekitilip, 39 is-shara engizilgen. Qazirgi tańda 28 is-shara tolyǵymen aıaqtalyp, qalǵan is-sharalar boıynsha jumystar jalǵasyp jatyr. «2024-2025 jylǵy kúz-kóktemgi sý tasqyny kezeńindegi tótenshe jaǵdaılardyń aldyn alý is-sharalaryn júrgizý» jospary aıasynda 461 shaqyrym aryqtar (sany – 1203), jalpy uzyndyǵy 654 shaqyrymdy quraıtyn 165 kanal, 30 shaqyrym dıýbıng-ótkelder tazalaýdan ótkizilgen. 9 ózenniń arnasy tazalanyp, 5 shaqyrym kanal betondaldy. Nátıjesinde 24 eldi mekende sý basý qaýpi seıildi. Sý tasqynyn aldyn alý boıynsha jospardan tys Bógen ózeniniń 2,5 shaqyrymyn, Boraldaı ózeniniń 3 shaqyrym arnasyn túzetý jumystary júrgizilip, Aqbastaý eldi mekeninde 600 metr qashyrtqy qazyldy. Nátıjesinde 4 eldi mekende sý basý qaýpi seıildi. Avtokólik pen temir joldaryndaǵy ótkelderdiń (jalpy 5476) 89 paıyzy tazalandy. Sý tasqynyna qarsy ınertti materıaldar, tehnıkalar ázirlengen.
Túrkistan oblysynda qańtar aıynda qardyń deńgeıi 40 santımetr boldy. О́zenderdegi sý kólemi orta deńgeıden tómen. 42 sý qoımanyń jalpy tolý deńgeıi orta eseppen 35 paıyzdy quraıdy. Onyń ishindegi 5 iri sý qoımasyna kelsek, «Shardara» sý qoımasy 85 paıyzǵa, «Kóksaraı» sý rettegishi 23 paıyzǵa, «Bógen» 74 paıyzǵa tolǵan. Al «Qosqorǵan» sý qoımasynyń tolý deńgeıi qazirshe 4 paıyzdy qurap otyr. Atalǵan sý nysandary turaqty baqylaýǵa alynǵan. Jaǵdaı turaqty. 2021-2022 jyldary «Qosqorǵan» sý aıdyndaryna kóp faktorly tekserý júrgizilip, sý aıdynynyń qanaǵattanarlyqsyz jaǵdaıda ekeni anyqtaldy. Sý qoımasyna kúrdeli jóndeý júrgizý maqsatynda jobalaý-smetalyq qujattama ázirlendi, memlekettik saraptamasynyń oń qorytyndysy alyndy.
«Qosqorǵan» sý qoımasynyń negizgi maqsaty – Saýran aýdanyna qarasty 5 aýyldyq okrýgtegi (Orańǵaı, Iаssy, Qarashyq, Qarnaq, Júınek) sý basý qaýpiniń aldyn alý. Sonymen birge sý qoımasy 7 420 gektar jerdi aǵyn sýmen qamtamasyz etip, «Keńsaı-Qosqorǵan - 2» sý qoımasyna aǵyn sý jetkizedi. Naýryz - sáýir aılaryndaǵy tasqyn sýlar esebinen toltyrylyp, keıinnen aýyl sharýashylyǵy taýaryn óndirýshilerine bosatylady. Sý qoımanyń negizgi sý kózderi – Karataý bókterinen keletin Baıyldyr ózeni men Kentaý shahtasynyń sýy.
Qanat Bozymbaev jergilikti turǵyndarmen kezdesip, pikir almasty. Kentaýlyq turǵyndar kóp jyldan beri eldi alańdatqan №5 Jylý energo ortalyǵynyń máselesi sheshilip, jańǵyrtýdan ótkizilgenine, osy arqyly jylý máselesi sheshilgenine Prezıdentke, Úkimetke jáne oblys, qala ákimdigine alǵystaryn bildirdi.
Aıta ketsek, Memleket basshysynyń tapsyrmasy boıynsha Kentaý turǵyndaryn jáne áleýmettik nysandardy sapaly jylýmen qamtamasyz etý maqsatynda «Kentaý qalasy JEO-nyń «№7,8,9,10,11,12 qazandyqtaryn kúrdeli jóndeý» jobasy ázirlenip, jylý kózderin jańǵyrtýǵa Úkimet rezervinen qarajat bólindi. Jarty ǵasyrdan astam ýaqyt jóndeý kórmegen Jylý energo ortalyǵynda qazandyqtardyń qaıta qurý jumystary qolǵa alyndy. 6 qazandyqtyń qaıta qurý jumystary atqarylyp, 5 qazandyqta qaıta qurý jumystary aıaqtaldy. Al bir qazandyq qaıta qurýdan soń taıaýda iske qosylady. Budan bólek, 2 qazandyqqa aǵymdaǵy jóndeý jumystary aıaqtaldy. №5 qazandyq bıýdjet esebinen, №6 qazandyq demeýshiler esebinen jóndeldi. Kentaý qalasyndaǵy 6,6 shaqyrym magıstraldy jylý jelileri qaıta jańartyldy.
