Foto:fcc.kz
Partııa depýtaty Aıan Zeınýllınniń dereginshe, búginde «Azyq-túlik korporasııasy» UQ» AQ ishki astyq naryǵynda tejeýshi rólin atqaryp otyr. Máselen, korporasııa naryqtyń toqyraý kezeńinde aýyl sharýashylyǵy ónimderin joǵary baǵamen satyp alyp, baǵa kóterilgende qaıta ótkizýdi, astyqtyń rezervtik qoryn, sondaı-aq jem-shóp qoryn saqtaýdy qamtamasyz etedi. Osy maqsatta bıyl korporasııa 3,4 mıllıard teńgege 50 myń tonna aýyl sharýashylyǵy ónimderin satyp alǵan.
2023 jyly egin jınaý naýqany kúrdeli kezeńdi bastan keshkende korporasııa aýyl sharýashylyǵy taýarlaryn óndirýshilerdi qoldaý maqsatynda kommersııalyq negizde tartylǵan qarjy resýrstaryn paıdalana otyryp, jalpy somasy 87,5 mlrd teńge bereshek mindettemelerin uzartyp, jarnany 3 paıyz jeńildik deńgeıinde belgilegen.
Bul qadam oblıgasııalar boıynsha kýpondy tóleýge jumsalatyn shyǵyndy arttyrǵan.
«Osy jaǵdaılardy eskere otyryp, 2025 jyly «Azyq-túlik korporasııasyna» kýpondyq syıaqyny sýbsıdııalaý úshin Úkimet rezervinen 10,3 mlrd teńgeni jedel bólýdi usynamyz. Bıyl bıýdjetke bekitilgen buryn alynǵan qaryzdardy qaıta qarjylandyrýǵa baǵyttalǵan oblıgasııalar boıynsha kýpondyq syıaqy maqsatyn ózgertýdi suraımyz», dedi Aıan Zeınýllın.
