Oıynda Qazaqstan quramasy jyldam eki gol soqty. Birinshi mınýtta Azat Valıýllın, ekinshi mınýtta Dýglas gol soqty. Alaıda dat oıynshylary esepti jyldam teńestirip kete bildi. Dáýren Tursaǵulov avtogol soǵyp alsa, Ermın Kasýmovıch bir dopty enshisine jazdy.
Artynsha Aqjol Dáribaı men Dýglas Qazaqstandy eki dop basymdyǵymen alǵa shyǵardy. Birinshi taım aıaqtalǵanǵa deıin dattar taǵy bir dop aıyrmasyn qysqarta bildi.
Ekinshi taımda Qazaqstan quramasy 3 gol soqty. Aldymen Azat Valıýllın (28-mınýt), odan keıin Dámir Káribaı (32-mınýt) mergendigimen kózge tústi. 35-shi mınýtta Dáýren Tursaǵulov penaltıdi sátti oryndap, esepti 7:3 esebimen aıaqtady.
