Boks • 06 Aqpan, 2025

Jánibek Álimhanulynyń kele jekpe-jegi qashan ótedi

250 ret

kórsetildi

1 mın

oqý úshin

Qazaqstandyq boksshynyń kelesi qarsylasy fransýz Anaýel Ngamıssen bolmaq. Jekpe-jek 5 sáýirde Astanadaǵy «Barys Arena» stadıonynda ótedi, dep habarlaıdy Egemen.kz.

Aıana TOǴANBEK

Jánibek Álimhanulynyń kele jekpe-jegi qashan ótedi

Foto: «Sport Shredıngera» Telegram arnasy

Aqparatty Álimhanulynyń múddesin qorǵaıtyn amerıkalyq Top Rank promoýterlik kompanııasy rastady.

31 jastaǵy kásipqoı boksshy Jánibek Álimhanuly (16-0, 11 KO) IBF jáne WBO tujyrymdary boıynsha orta salmaqtaǵy tıtýldy qorǵaıdy. Ol 2017 jyldan beri alǵash ret óz elinde sharshy alańǵa shyǵady.

29 jastaǵy Ngamıssen mansabynda alǵash ret 12 raýndtyq ereje boıynsha judyryqtasady. Ol ESPN-niń orta salmaq reıtınginde úzdik ondyqqa kirgenimen, joǵary deńgeıdegi qarsylastarmen áli kezdespegen. Ngamıssenge sońǵy jekpe-jeginde 2024 jyldyń maýsym aıynda Sandro Djadjanıdzeni (12-32-2) úshinshi raýndta tehnıkalyq nokaýtpen jeńgen edi.

Jekpe-jekti uıymdastyrýmen qazaqstandyq Nomad Promotions kompanııasy aınalysýda. Al kezdesýdi ESPN+ platformasy arqyly kórýge bolady.