Alqaly jıynǵa Túrkııanyń beldi de belgili teatr sańlaqtary men dúnıeniń tórt buryshynan qurmetti qonaqtar qatysty. Teatr ónerindegi ár atalym boıynsha jeńimpazdar anyqtalyp, júldeler tapsyryldy. Halyqaralyq mártebeli baıqaýdyń qazylar sheshimimen Qazaqstannyń eńbek sińirgen qaıratkeri, jazýshy-dramatýrg Dýman Ramazanǵa «Túrki áleminiń eń úzdik dramatýrgi» ataǵy berildi. Marapatty saltanatty jıynda halyqaralyq TÚRKSOI uıymynyń bas hatshysy Sultan Raev pen «Teatr» elaralyq basylymynyń bas redaktory Nurhan Ýslý tapsyrdy.
«Dýman Ramazannyń dramalarymen burynnan tanyspyn. Dramanyń qyr-syryn jetik biletin, oı-oramyn tereńdetken myqty dramatýrg. Tarıhı taqyrypta da, qazirgi zaman týraly da ábden zerttep-bilip jazady. Onyń sońǵy jyldary ulttyq sahnada jasaǵan tarıhı polotnolary búgingi teatrdyń bıigine saıma-saı. «Kereı - Jánibek», «Abylaı hannyń armany», «Joshy han» jáne basqa da tarıhı dramalarynda ulttyq qundylyqtar men dástúrlerge degen tarıhı kózqarasty qapysyz beınelegen. Qalekı sahnasynda qoıylǵan «Joshy han» tarıhı dramasy qazaq mádenıetindegi jańa kezeńniń bastalǵanyn pash etedi», dedi Sultan Raev.
