foto: Sý resýrstary jáne ırrıgasııa mınıstrligi
Sý resýrstary jáne ırrıgasııa mınıstrliginiń baspasóz qyzmetiniń málim etýinshe sala vedomostvosy bıyl qytaılyq Power China kompanııasymen otandyq mamandardy QHR-da biliktilik arttyrý kýrstarynan ótkizý týraly kelisimge kelgen. Kýrstar ár toqsan saıyn ótip, oǵan jalpy sany 105 maman qatysady.
Eske salaıyq, byltyr 500-den astam sýshy maman biliktilik arttyrý kýrstarynan ótti. Bul bastapqy jospardan 12%-ǵa artyq.
Sala mınıstrligine qarasty Ǵylym jáne ınnovasııa departamentiniń Sý sharýashylyǵyndaǵy adam resýrstaryn damytý basqarmasynyń basshysy Dıdar Jánibekulynyń aıtýynsha mamandardy daıarlaý jáne qaıta daıarlaý – elimizdiń sý salasyn jańǵyrtýdyń mańyzdy baǵyty.
«Memleket basshysynyń tapsyrmasy boıynsha Taraz qalasynda Ulttyq sý sharýashylyǵy jáne ırrıgasııa ýnıversıteti ashyldy, onda 200-ge jýyq stýdent oqıdy. Bizdiń mınıstrlik sý salasy úshin kásibı standarttardy ázirleıtin kásiptik biliktilik jónindegi salalyq keńes qurdy. Onyń negizinde otandyq joǵary oqý oryndary ózderiniń bilim berý baǵdarlamalaryn ózektendiretin bolady», dedi ol.
