Qazirgi tańda eldi mekende jalǵyz mektep jumys istep tur, onda eki aýysymda 53 bala bilim alady. Sonymen qatar bilim oshaǵynda sport jáne akt zaldary, ashana joq, pándik kabınetter jetispeıdi.
«Jańa mektep 60 orynǵa arnalǵan. Ǵımarat zamanaýı bilim berý standarttaryna sáıkes jabdyqtalǵan. Nysannyń qurylysy bilim berýdiń qoljetimdiligi jáne mekteptegi oryn tapshylyǵy máselesin sheshýge múmkindik beredi: qazir aýylda 7 jasqa deıingi 28 bala turady», delingen habarlamada.
Búgingi tańda Úkimet áleýmettik mańyzy bar nysandar salýǵa Arnaıy memlekettik qordan 58 mlrd teńge bóldi. Atap aıtqanda, 5 mektep, onyń ishinde bir mýzykalyq, 2 sport kesheni, kópfýnksıonaldy aýrýhana kesheni, jataqhana, 2 balabaqsha jáne jedel medısınalyq kómek kórsetý stansasy bar.
Aıta keteıik, «Zańsyz ıemdenilgen aktıvterdi memleketke qaıtarý týraly» Zań sýbektileri esebinen Arqalyq, Astana, Almaty qalalarynda birqatar áleýmettik ınfraqurylym nysany salynyp jatyr.
