Birinshi toqsanda qýaty saǵatyna 12,5 myń tekshe metr sýtegi óndiretin ekinshi qondyrǵynyń qurylysyn bastaý josparlanǵan. Qazir zaýytta qýaty saǵatyna 20 myń tekshe metrlik qondyrǵy jumys istep tur.
Dızel otynyn gıdrotazartý qondyrǵysyn rekonstrýksııalaýdyń ekinshi kezeńi sheńberinde deparafındeý bloginiń qurylysy júrgizilip jatyr. Jobany jyl sońyna deıin aıaqtaý josparlanǵan.
«Joba jazǵy jáne maýsymaralyq dızel otynyn ǵana emes, sonymen qatar qondyrǵynyń aǵymdaǵy qýatyn jylyna 2,3 mln tonna deńgeıinde saqtaı otyryp, qysqy otyndy da shyǵarýǵa múmkindik beredi. «Air Liquide» kompanııasymen birlesken jobany iske qosý 2026 jyldyń kúzine josparlanǵan. Oǵan salynatyn ınvestısııa 80 mln eýrodan asady dep baǵalanady. Tehnıkalyq sýtegi munaı óńdeýde sheshýshi ról atqarady. Benzın, avıakerosın jáne dızel otynyn óndirýde shıki munaıdy azottan, kúkirtten jáne metaldardan tazartý úshin qoldanylady», deıdi zaýyttyń bas dırektory Qýanysh Bıshimov.
Byltyr zaýyt rekordtyq 5,5 mln tonna munaı óńdegen. Bul josparly kórsetkishten 50 myń tonnaǵa artyq. Onyń 1,61 mln tonnasy – benzın, 327 myń tonnasy – avıaotyn.
Pavlodar oblysy
