Sýretti túsirgen – Jumabaı MUSABEKOV
Aýmaǵy shamamen 470 sharshy metrdi quraıtyn jańa ǵımarat zamanaýı standarttar men talaptarǵa tolyq sáıkes keledi. Onda em alatyn balalar jasyna, densaýlyq jaǵdaıyna qaraı eki topqa bólingen.
«Bólimdi ashýdaǵy basty maqsat – múgedek balalarǵa barynsha qamqorlyq kórsetý, olardy ómirge beıimdeý. Munda áleýmettik-medısınalyq, áleýmettik-psıhologııalyq, áleýmettik-pedagogıkalyq kómekti qosqanda, segiz túrli qyzmet kórsetiledi. Sonymen qatar otbasylarǵa yńǵaıly áleýmettik taksı qyzmetteri usynylady. Balalardy ortalyqqa aparatyn, qaıtyp ákeletin 4 avtokólik bar», deıdi ortalyq dırektorynyń áleýmettik máseleler jónindegi orynbasary Nazgúl Búrkitbaeva.
Jańadan ashylǵan ortalyqqa kelip júrgen balalardyń ata-analary osyndaı múmkindikke rızashylyq bildirip, alǵysyn aıtady. Sondaı ananyń biri – Sánııa Teńizbaeva. «Báıterek» ortalyǵynyń toqtaýsyz jumys isteýi – bizge úlken qoldaý. Mine, ortalyqtyń janynan jaıly, jaryq, jyly jańa bólimshe ashyldy. Balam kásibı kómek alyp qana qoımaı, ózin ujymnyń bir bólshegi, úlken, tatý otbasynyń bir múshesi retinde sezinip keledi. Qyzyma ortalyq mamandarynyń árqashan qasynda bolyp, kómektesip, baǵyt-baǵdar berip otyrýy mańyzdy», dedi S.Teńizbaeva.
Kez kelgen ata-ana balalary qandaı jaǵdaıǵa tap bolsa da, ár kúni qýanyshpen ótkenin qalaıdy. Sol sebepti ortalyqqa jıi kelip, balalaryn únemi baqylap otyrady. Qarlyǵash Tutqabaeva balasyna mamandardyń zaman talabyna saı qyzmet kórsetkenine dán rıza.
Jetisý jerinde múmkindigi shekteýli jandarǵa arnaýly áleýmettik qyzmet kórsetetin 1566 oryndyq 13 mekeme bar. Byltyr bul mekemeler 1512 áleýmettik qyzmet kórsetip, múgedekterdiń emin-erkin júrip-turýyna múmkindik jasady. Sondaı-aq ótken jyly 168 nysanda múmkindigi shekteýli jandarǵa beıimdeý jumystary júrgizildi. Bıyl Taldyqorǵan qalasynda 150 oryndyq ońaltý ortalyǵynyń qurylysyn bastaý josparlanyp otyr.
Jetisý oblysy
