Jergilikti turǵyndar bul qubylysqa keıbir hımııalyq tógindiler áser etýi múmkin dep topshylasa, mamandar qarapaıym qubylys ekenin aıtyp, ekologııa men adamdarǵa qaýip tóndirmeıtinine sendirdi.
«Bul - ár qys saıyn jıi kezdesetin tabıǵı qubylys. Qońyr baldyrlar sý betinde osylaı kórinedi», dep túsindirdi «Eko Mańǵystaý» ÚEU basshysy Kırıll Osın.
Ekologtar sýyq mezgilde baldyrlar kóbeıip, gúldeıtinin aıtty, sol sebepti de teńizdiń keıbir bólikteri qyzyl túske boıalǵandaı kórinis beredi.
Mańǵystaýdyń Ekologııa departamenti de teńiz baldyrlarynyń áserinen jaǵa qyzyl túske boıalǵanyn málimdedi, biraq synamalar alynǵan.
«Dostar» jaǵajaıy, «Nur-Plaza» jáne ıahta klýby aýmaǵynan synamalar alyndy. Taldaýlarǵa súıensek, teńizde hımııalyq áser tabylǵan joq. Baldyrlar eshqandaı zııan keltirmeıdi. Bul - tabıǵı qubylys, sondyqtan alańdamańyzdar», dep túsindirdi Mańǵystaýdyń ekologııalyq zertteý zerthanasynyń gıdrobıologııa bóliminiń zerthanashysy Nurbolat О́temisov.
