«Meniń armanym – úlken quralaı qusynyń uıasyn taýyp alý. Elimizde sırek kezdesetin bul qustyń uıasyn eshkim kórmegen. Zeınetkerlikke taıaǵanda Ulttyq parkke ornıtolog bolyp jumysqa ornalasqanmyn. Qazir zeınetkermin. Jalpy, qustardy zertteýmen 2009 jyldan beri aınalysyp kelemin», deıdi tabıǵat janashyry Vladımır Vorobev.
Ornıtolog azamattyń atqaryp júrgen jumysy óte kóp. Altaıdyń qanattylaryn túgendep, olardy sýretke túsirý ońaı sharýa emes. V.Vorobevtiń óz isine berilgendigi sondaı, qaltasynda sońǵy tıyn qalsa da, jumysyna aınalǵan ermegine jumsaǵan. Qaıbir jyldary bálenbaı mıllıon teńgege alysty kóz aldyńa ákeletin fotoapparat satyp alyp, Altaıdaǵy qus bitkendi túgendegen.
Zeınetke shyqqan soń, ol sırek kezdesetin qustardy zertteýge kirisken. Olardyń mekenin, tynys-tirshiligin baqylap, ǵylymǵa orasan zor úles qosty. Vladımır Mıhaılovıch Altaı ulary men dóńtumsyq turpan sekildi sırek kezdesetin eki qusty «Qyzyl kitapqa» engizýge yqpal etken.
Aıta keterligi, 19 aqpan – Halyqaralyq ornıtologter kúni. Osy oraıda qanattylarǵa qorǵan bolyp júrgen tabıǵat janashyrlarynyń eńbekterine sáttilik tileımiz.
Shyǵys Qazaqstan oblysy
