Sýretti túsirgen – Erlan OMAR, «EQ»
Bir kúndik ádistemelik jıynda qalalyq qorǵanys isteri jónindegi departament bastyǵy polkovnık Ábdiǵabıt Shegebaev sóz bastady. Ol osyndaı is-sharalar jas urpaqtyń boıynda ulttyq qundylyqtarǵa, el men jerge degen qurmet sezimin týdyratynyn atap ótti. Sondaı-aq tárbıelik mándegi basqosýlar azamattardyń patrıottyq rýhyn kóterýde mańyzdy ról atqaratynyn aıta kele, is-sharany uıymdastyrýshylarǵa alǵysyn jetkizdi.
«Bul jıynnyń bilim basqarmasy janyndaǵy «Ádistemelik ortalyq» memlekettik kommýnaldyq mekemesiniń» dırektory Sholpan Aıtbaeva men Abaı, Ál-Farabı, Turan aýdandarynyń biriktirilgen qorǵanys isteri jónindegi basqarma bastyǵy polkovnık Ǵalymjan Fakırdınovtiń ózara áriptestigi aıasynda bekitilgen josparǵa saı ótip jatqanyn bilemiz. Bul semınar alǵa qoıǵan maqsattarymyzdyń oryndalýyna oń septigin tıgizip, óskeleń urpaqty durys baǵytta tárbıeleýge barynsha yqpal etedi dep kámil senemin», dedi Á.Shegebaev.
Ashyq sabaq túrinde ótken semınarda mamandar ártúrli ádistemelermen bólisti. Aıtalyq, ınformatıka pániniń muǵalimi Aıman Baýmuratova dáris barysynda áskerı robottehnıkanyń negizderi men áskerı robottardyń túrleri jáne olardy qalaı qoldaný kerektigi týraly jan-jaqty túsindirip berdi. Bul rette uıymdastyrýshylar osy sabaq arqyly semınarǵa qatysýǵa kelgenderge zamanaýı tehnologııalardy tanystyryp, áskerı robottehnıkanyń mańyzdy tustary jóninde málimdedi. Ásirese soǵys áreketterin júrgizýde qoldanylatyn mańyzdy quraldar – áskerı robottardy balalar qyzyǵa qarady.
Sonymen qatar ádistemelik jıyn kezinde dene shynyqtyrý páninde jaraqat alyp qalmaýdyń aldyn alý, oıyn barysynda qaýipsizdik sharalaryn saqtaý týraly keńester aıtylyp, balalardyń densaýlyǵyn nyǵaıtýǵa, olardyń fızıkalyq belsendiligin arttyrýǵa baılanysty tıisti nusqaýlyqtar men baǵyt-baǵdarlar berildi.
Semınarda jol júrý erejeleri men qaýipsizdik sharalaryna qatysty dárister oqyldy. Sonyń barysynda jergilikti polısııa departamentiniń qyzmetkerleri jol júrý erejeleriniń qaýipsizdigi jaıynda túsindirý jumystaryn júrgizdi. Jol polısııasy ókilderi áskerı jetekshilerge jol qozǵalysy kezinde qaýipsizdik erejelerin saqtaý qanshalyqty mańyzdy ekenin túsindirip berdi. Sebebi bul sharalar balalardyń ómiri men densaýlyǵyn qorǵaýǵa, sondaı-aq moınyna mindet alǵan azamattardyń jaýapkershiligin arttyrýǵa yqpal etedi dep atap ótti.
Al Sabyr Rahymov atyndaǵy áskerı kolledjden kelgen ókilder jastardy ásker qatarynda Otan aldyndaǵy boryshty óteýge shaqyrdy. Osyǵan baılanysty jas órenderdi yntalandyratyn, jiger beretin rýhty sózder aıtyp, áskerı qyzmettiń mańyzdylyǵy men artyqshylyqtary týraly áńgimeledi. Birneshe taqyryptan quralǵan semınardyń bul bóliminde jastar Otan aldyndaǵy jaýapkershilikti sezinýdi úırendi. Rasynda da semınar jastardyń keleshekte áskerı salany mamandyq retinde tańdaýyna qyzyǵýshylyǵyn oıatqan mańyzdy basqosý boldy.
Tárbıelik is-shara sońynda konserttik qoıylym qoıyldy. Jalpy, semınar azamattardyń otanshyldyq sana-sezimin kúsheıtýge baǵyttaldy. Sonymen qatar búgingi áskerı salada keńinen qoldanylyp jatqan ártúrli robottandyrylǵan tehnıkalardyń tanystyrylymy da qatysýshylardyń biraz tanym-túsinigin keńeıtti. Ásirese qorǵanys salasynyń mamandary alǵashqy áskerı daıyndyq pániniń ustazdaryna óz tájirıbelerin úıretip, kásibı maman retinde sheberlikterin shyńdaý men jastardy patrıottyq rýhta tárbıeleýge qandaı joldar men ádis-tásilder bar ekenin kórsetti.
Basqosýda aıtylǵandaı elde beıbitshilikti saqtaýdyń amaldarynyń biri – qorǵanys salasynyń beriktigi. Al ony qamtamasyz etý úshin eń aldymen osy elde turyp jatqan azamattardyń Otanǵa degen mahabbaty, patrıottyq sezimderi óte kúshti bolý kerek. Sonyń ishinde jastardyń júregi elim dep soǵyp, syn saǵatta bárine de daıyn ekenin ishteı bilip júrýi qajet. О́z kezeginde óskeleń urpaqtyń boıynda osyndaı minez qalyptastyratyn – ulttyq rýhtaǵy tárbıe. Sondyqtan uıymdastyrýshylar tárbıelik maqsattaǵy ádistemelik semınarlar budan keıin de turaqty túrde jalǵasyp otyratynyn jetkizdi.
ShYMKENT
