foto: Aqtóbe oblysynyń baspasóz qyzmeti
Zardap shekkenderdiń arasynda eki bala bar (3 jasar ul jáne 14 jastaǵy qyz). Olar sanıtarlyq avıasııamen Aqtóbe qalalyq balalar aýrýhanasyna jetkizildi. Ul balada dene jaraqattary, jabyq bas súıek-mı jaraqaty, bas mıynyń aýyr kontýzııasy anyqtaldy. Qyz jabyq bas-mı jaraqatyn alǵan, mıy shaıqalǵan, omyrtqasy synǵan.
Barlyǵy bes adam aýrýhanaǵa jatqyzyldy. Muǵaljar aýdandyq aýrýhanasynda úsh eresek adam ornalastyryldy.
Densaýlyq saqtaý basqarmasynyń málimetinshe, 38 jáne 42 jastaǵy eki áıel men 40 jastaǵy er adam mı jaraqatyn alǵan.
Aqtóbe oblysynyń polısııa departamentiniń habarlaýynsha, 16 aqpanda Aqtóbe-Astrahan tas jolynyń 89-shaqyrymynda Shubarqudyq baǵytynda Aqtóbe baǵytymen Qandyaǵash mańynda kele jatqan VAZ-2115 júrgizýshisi qarsy baǵyttaǵy qozǵalys jolaǵyna shyǵyp ketip DAF júk kóligimen soqtyǵysqan.
VAZ-2115 kóligindegi zardap shekkender aýrýhanaǵa jetkizilip, sotqa deıingi tergeý bastaldy.
