Foto: Sý resýrstary jáne ırrıgasııa mınıstrligi
Sý resýrstary jáne ırrıgasııa mınıstri Nurjan Nurjigitov sý tasqyny kezeńine daıyndyq máseleleri boıynsha ótkizgen apparat keńesinde aıtylǵandaı ózenderdiń 128 ýchaskesindegi 142 sý beketi boıynsha sý tasqynyn modeldeý júrgiziledi. «Qazsýshar» fılıaldary men basseındik ınspeksııalardyń 114 mamany sý beketteri boıynsha derekterge kúndelikti taldaý jasaıdy jáne ony júıege engizedi.
Vedomstvonyń baspasóz qyzmetiniń málimdeýinshe «Tasqyn» júıesi jahandyq GloFAS sý tasqyny jóninde eskertý júıesine biriktirilgen.
«Sý tasqynyna el ishindegi daıyndyqtan bólek, biz kórshi memleketterdegi áriptesterimizben de turaqty baılanystamyz. Aqparat almasý jedel júredi. Kóktemgi sý tasqynyn qabyldaýǵa qoımalarda bos oryn daıyndaý úshin sý tastaý jumysy jalǵasyp jatyr. Búginde elimizdiń sý qoımalary 13 mlrd tekshe metr sý qabyldaı alady», dedi mınıstr N.Nurjigitov.
