Foto: Aýyl sharýashylyǵy mınıstrligi
Bıyl qys mezgili salystyrmaly túrde jyly bolǵanymen, óńirdegi kóptegen sý aıdyndarynda muzdyń qalyńdyǵy 40 sm-ge deıin jetedi, bul – balyqtardyń jappaı qyrylý qaýpin týdyrady.
Aýyl sharýashylyǵy mınıstrliginiń baspasóz qyzmetiniń málimdeýinshe mınıstrlikke qarasty Balyq sharýashylyǵy komıtetiniń tapsyrmasy boıynsha Jaıyq-Kaspıı aralyq basseındik balyq sharýashylyǵy ınspeksııasynyń ınspektorlary balyqty qutqarý maqsatynda keshendi jumystar júrgizip jatyr. Bul rette, ásirese, tereńdigi az sý aıdyndaryna erekshe kóńil bólinip otyr.
Qazirgi ýaqytta: 136 000 oıyq burǵylanyp, ottegimen baıytylǵan 5000 tekshe metrden astam sý aıdyndarǵa jiberilgen, oǵan 657 adam jáne 167 tehnıka birligi jumyldyrylǵan.
Atalǵan jumystar jalǵasyp jatyr.
